చంద్రబాబు ప్రజాస్వామ్యం గురించి మాట్లాడటం విడ్డూరంగా ఉంది
Andhra Pradesh Telugu | Suryaa Desk | Published : Sat, Feb 25, 2023, 05:34 PM
దమ్ముంటే రండి తేల్చుకుందామని చంద్రబాబు తొడగొడుతున్నాడు.. 14 ఏళ్లు సీఎంగా చేసిన వ్యక్తి మాట్లాడాల్సిన మాటలు ఇవేనా అని మంత్రి సీదిరి అప్పలరాజు ప్రశ్నించారు. 2024లో సరైన ముహూర్తం ఉంది..అప్పుడు తేల్చుకుందాం రా అని మంత్రి సీదిరి అప్పలరాజు చంద్రబాబుకు సవాలు విసిరారు. గత ఎన్నికల్లో 23 సీట్లతో ప్రజలు ఓ మూలన కూర్చోబెట్టారని, వచ్చే ఎన్నికల్లో బుద్ది చెప్పేందుకు సిద్ధంగా ఉన్నారని హెచ్చరించారు. మాపై పిచ్చి పిచ్చిగా మాట్లాడితే ఊరుకునేది లేదని హెచ్చరించారు. విద్యుత్‌ చార్జీలు తగ్గించమంటే కాల్పులు జరిపించిన వ్యక్తికి ప్రజాస్వామ్యం గురించి మాట్లాడే నైతిక హక్కు ఉందా అని ప్రశ్నించారు. గతంలో ఎమ్మెల్యేలకు ప్యాకేజీ ఇచ్చి లాక్కున్నారు.. ముద్రగడ పద్మనాభం కుటుంబాన్ని చంద్రబాబు వేధించాడని గుర్తు చేశారు. చంద్రబాబు తన హయాంలో ఒక్క మంచి పథకమైనా ఉందా అని నిలదీశారు. సైకో చంద్రబాబును ప్రజలు తరిమి కొట్టాల్సిన అవసరం ఉందని పిలుపునిచ్చారు. శనివారం శ్రీకాకుళంలో మంత్రి మీడియాతో మాట్లాడారు.
|
|