ఆత్మహత్యా యత్నం చేసుకోబోతున్న వృద్ధురాలిని కాపాడిన పోలీసులు
Andhra Pradesh Telugu | Suryaa Desk | Published : Tue, Mar 14, 2023, 04:26 PM
కుటుంబ సమస్యలతో మైలవరం డ్యామ్ లో దూకి ఆత్మహత్యా యత్నం చేసుకోబోతున్న వృద్ధురాలిని మైలవరం పోలీసులు కాపాడ్డారు. సమాచారం అందుకున్న వెంటనే స్పందించి ప్రాణాలు కాపాడిన హెడ్ కానిస్టేబుల్ రాంబాబు, కానిస్టేబుళ్లు రామాంజనేయులు, వెంకటసుబ్బయ్య, మహిళా పోలీసు సునీతలను అభినందించిన జిల్లా ఎస్. పి అన్బురాజన్ అభినందించారు. మంగళవారం మైలవరం మండలం వేపరాలకు చెందిన వెంకటసుబ్బమ్మ (74) అనే మహిళ కుటుంబ సమస్యలతో తనువు చాలించాలని మంగళవారం మైలవరం డ్యామ్ వద్దకు చేరుకుంది. మైలవరం డ్యామ్ మొదటి గేటు వద్ద అనుమానాస్పదంగా ఉన్న వృద్ధురాలిని డ్యామ్ సిబ్బంది గుర్తించి వెంటనే హెడ్ కానిస్టేబుల్ రాంబాబుకు సమాచారం అందించి అప్రమత్తం చేశారు.
హెడ్ కానిస్టేబుల్ రాంబాబు విధుల్లో ఉన్న బీట్ కానిస్టేబుళ్లు రామాంజనేయులు, వెంకటసుబ్బయ్య, మహిళా పోలీసు సునీత తక్షణం రంగంలోకి దిగి వృద్ధురాలిని సురక్షితంగా మైలవరం పోలీస్ స్టేషన్ కు తీసుకువచ్చి కుటుంబ సభ్యులకు అప్పగించారు. క్షణికావేశంలో ప్రాణాలు తీసుకోవాలన్న వృద్ధురాలిని సమాచారం అందిన వెంటనే వేగంగా స్పందించి కాపాడి మనోధైర్యాన్ని కల్పించిన హెడ్ కానిస్టేబుల్ రాంబాబును, కానిస్టేబుళ్లు రామాంజనేయులు, వెంకటసుబ్బయ్య, గ్రామ మహిళా పోలీసు సునీతలను జిల్లా ఎస్. పి ప్రత్యేకంగా అభినందించారు.
|
|