కార్యకర్తలకి అండగా ఉంటామంటున్న సోమిరెడ్డి
Andhra Pradesh Telugu | Suryaa Desk | Published : Mon, Apr 03, 2023, 01:35 PM
తమ నియోజక వర్గంలో వైసీపీ నాయకులు చేస్తున్న అరాచకాలకు మూల్యం చెల్లించుకోక తప్పదని మాజీ మంత్రి సోమిరెడ్డి చంద్రమోహన్రెడ్డి హెచ్చరించారు. వెంకటాచలం మండలంలోని ఇడిమేపల్లి పంచాయతీ జంగాలపల్లికి చెందిన టీడీపీ బీసీ నేతలు గుమ్మా రాజగోపాల్, రామయ్యలు ఇటీవల హత్యాయత్నం కేసులో జైలుకెళ్లి, రెండు రోజుల క్రితం విడుదలయ్యారు. దీంతో ఆదివారం వారు అల్లీపురంలోని సోమిరెడ్డి నివాసానికి వెళ్లి కలిశారు. అనంతరం సోమిరెడ్డి మాట్లాడుతూ... రాజగోపాల్కు చెందిన సాగునీటి మోటారు కింద చుట్టుపక్కల 20 ఎకరాలకు పైగా నీరు అందిస్తున్నారని, దీంతో వైసీపీ కార్యకర్తలు నీరు మాకు ఎందుకు ఇవ్వరని రాజగోపాల్ ఇంటికే వెళ్లి గొడవ పెట్టుకొని దాడి చేయడంతో పాటు తిరిగి రాజగోపాల్, రామయ్యలపై మంత్రి కాకాణి ప్రోద్బలంతో అక్రమంగా హత్యాయత్నం కేసు బనాయించి జైలుకు పంపారన్నారు. కాగా రాజగోపాల్పై కక్షకట్టిన వైసీపీ నాయకులు ఆయనకు చెందిన ఎక్స్కవేటర్ను బాడుగకు తిరగనివ్వకుండా అమ్ముకునేలా చేశారని మండిపడ్డారు. త్వరలోనే మంచి రోజులు రాబోతున్నాయని అధైర్య పడవద్దని వారికి సోమిరెడ్డి ధైర్యం చెప్పారు.
|
|