ట్రెండింగ్
చిన్న వయస్సు నుండి ఎన్టీఆర్ అంటే అభిమానం
Andhra Pradesh Telugu | Suryaa Desk | Published : Thu, Apr 13, 2023, 05:14 PM
నిమ్మకూరులో చంద్రబాబు ఆత్మీయ సమ్మేళనంలో టీడీపీ జాతీయ అధికార ప్రతినిధి కొమ్మారెడ్డి పట్టాభిరామ్ పాల్గొన్నారు. ఈ సందర్భంగా అయన మాట్లాడుతూ.... అన్నగారి స్వగ్రామంలో ఎన్టీఆర్ శత జయంతి ఉత్సవాలు జరుపుకోవడం ఆనందంగా ఉందన్నారు. ఎన్టీఆర్ చైతన్య రథంపై వస్తుంటే గంటల తరబడి నిరీక్షించి తాను చిన్నప్పుడు చూసేవాడినని, స్కూల్ వార్షికోత్సవంలో ఎన్టీఆర్ వేషధారణతో ప్రదర్శనలు ఇచ్చే వాడినని అన్నారు. ఢిల్లీలో తెలుగు వాళ్ల సత్తాచూపిన ఏకైక వ్యక్తి ఎన్టీఆర్ అని.. మదరాసీలు కాదు తెలుగోళ్ల తెగింపు ఎలా ఉంటుందో ప్రత్యేకంగా చూపారని కొనియాడారు. ఢిల్లీ స్థాయి రాజకీయాలలో చక్రం తిప్పిన వ్యక్తులు ఎన్టీఆర్, చంద్రబాబులేనన్నారు. మళ్లీ సీఎం పీఠంపై చంద్రబాబును కూర్చోబెట్టే వరకు వెనకడుగు వేసేది లేదని పట్టాభి స్పష్టం చేశారు.
|
|