లారీ ఢీకొని నిశ్చితార్థమైన జంట మృతి,,,రెండు కుటుంబాల్లో తీవ్ర విషాద చాయలు

మరో 15 రోజుల్లో వివాహం.. నిశ్చితార్థం చేసుకున్నారు. కాబోయే భార్యాభర్తలిద్దరూ కలిసి ఆలయానికి బయల్దేరారు.. మార్గ మధ్యలో ఊహించని ప్రమాదం ఎదురైంది. ఇద్దరు ప్రాణాలు కోల్పోవడం తీవ్ర విషాదాన్ని నింపింది. కాకినాడ జిల్లా జగ్గంపేట మండలం జె.కొత్తూరుకు చెందిన రాజ్‌కుమార్.. కిర్లంపూడి మండలం సోమవరానికి చెందిన దుర్గాభవానికి వివాహం నిశ్చయమైంది. వచ్చే నెల 10న పెళ్లికి పెద్దలు ముహూర్తం కూడా నిర్ణయించారు.

మంగళవారం ఇద్దరు కలిసి తూర్పుగోదావరి జిల్లా గౌరీపట్నం మేరీమాత ఆలయానికి బైక్‌పై బయల్దేరారు. రాజమండ్రి దివాన్‌చెరువు దాటి గామన్‌ వంతెన మీదుగా కొవ్వూరు వైపు వెళ్తుండగా కొంతమూరు సమీపంలో.. వెనుక నుంచి వచ్చిన ఓ లారీ వారిని ఢీకొట్టింది.. ఈ ఘటనలో ఇద్దరూ అక్కడికక్కడే ప్రాణాలు కోల్పోయారు. వెంటనే పోలీసులు అక్కడికి చేరుకుని మృతదేహాలను రాజమండ్రి రాజమండ్రి ప్రభుత్వాసుపత్రికి తరలించారు.. ఈ ప్రమాదంపై కేసు నమోదు చేశారు.

యాక్సిడెంట్‌ జరిగితే ఇన్ని వివరాలు అడుగుతారా.. రుడా ఛైర్‌పర్సన్ షర్మిల రెడ్డి

1997లోనే రాజ్‌కుమార్‌ తల్లి వేణమ్మ చనిపోయారు. దీంతో తండ్రి వెంకటేశ్వర్లు రెండో వివాహం చేసుకున్నాడు. రాజ్‌కుమార్‌కు అక్క ఉంది.. ఆమెకు కూడా వివాహైంది. రాజ్‌కుమార్‌ తాపీపని చేసుకుంటూ తండ్రితో పాటూ ఉంటున్నాడు. దుర్గాభవానిది పేద కుటుంబం.. తండ్రి కూలిపనులకు వెళుతూ కుటుంబాన్ని పోషిస్తున్నాడు.

దుర్గాభవాని తల్లిదండ్రులు శుభలేఖలు పంచేందుకు బంధువుల ఇళ్లకు వెళ్లారు. ఈ ప్రమాదం గురించి తెలియకపోవడంతో మంగళవారం రాత్రి వరకు శుభలేఖలు పంచారు. ఆ తర్వాత ఇద్దరు మృతి చెందిన విషయం కుటుంబ సభ్యులు తల్లిదండ్రులకు చెప్పలేకపోయారు. ఈ ప్రమాదంలో ఇద్దరు చనిపోవడంతో రెండు కుటుంబాలు తీవ్ర విషాదంలో ఉన్నాయి. పెళ్లి పీటలెక్కాల్సిన జంట ఇలా ప్రాణాలు కోల్పోడంతో స్థానికంగా తీవ్ర విషాదాన్ని నింపింది.