కోర్టు విధులను బహిష్కరించిన న్యాయవాదులు

 న్యాయవాది సుబ్రహ్మణ్యంను ఆక్రమంగా అరెస్టు చేసి దాడి చేసిన కడప తాలూకా సీఐ, ఎస్‌ఐలు రామకృష్ణ, తాహీర్‌ను తక్షణమే సస్పెండ్‌ చేసి కఠిన చర్యలు తీసుకోవాలని రాయచోటి బార్‌ అసోసియేషన న్యాయవాదులు బుధవారం కోర్టు విధులను బహిష్కరించి నిరసన చేపట్టారు. రాయచోటి బార్‌ అసోసియేషన ప్రధాన కార్యదర్శి ఉదయగిరి రామాంజనేయులు మాట్లాడుతూ కడప తాలూకా సీఐ, ఎస్‌ఐలు, మరి కొందరు కానిస్టేబుళ్లు కలిసి కడ ప ఐటీఐ వద్ద సీపీఐ మిత్రులతో కలిసి నిలబడి ఉన్న న్యాయవాది సుబ్రహ్మణ్యంను బలవంతం గా ఆటోలో ఎక్కించుకుని కడప వనటౌన పోలీ స్‌స్టేషనకు తీసుకెళ్లి చితకబాది షర్టు కూడా చిం చివేయడం పోలీసుల దుర్మార్గానికి అద్దం పడుతోందన్నారు. అంతేగాక విక్రమ్‌ అనే న్యాయవాది పై బైండోవర్‌ కేసు పెడతామని బెదిరించడం పోలీసులు దౌర్జన్యానికి నిదర్శమన్నారు. అనంత రం భారత న్యాయవాదుల సంఘం (ఐఏఎల్‌) కడప, అన్నమయ్య ఉమ్మడి జిల్లాల కార్యనిర్వాహక అధ్యక్షులు ఈశ్వర్‌ మాట్లాడుతూ న్యాయవా ది సుబ్రహ్మణ్యం ఏదైనా నేరం చేసి ఉంటే 41ఏ కింద నోటీసు ఇచ్చిన తర్వాతే పోలీసులు అతనిపై చర్య తీసుకునే అవకాశం ఉం టుందన్నారు. అలాంటిదేమీ లేకుండా తా ను న్యాయవాదిని అని చెబుతున్నా పోలీసులు లెక్కచేయకుండా బలవంతంగా ఒక ప్యాసింజర్‌ ఆటోలో ఎక్కించుకుని పోలీ్‌సస్టేషనకు తీసుకెళ్లి షర్టు చించి అసభ్యంగా ప్రవర్తించడం దారుణమన్నా రు. న్యాయవాదులకే రక్షణ లేకపోతే ఇక సాధారణ ప్రజల పరిస్థితి ఏమిటో అర్థం చేసుకోవాలన్నారు. కార్యక్రమంలో సీనియర్‌ న్యాయవాదులు షరీఫ్‌, రాజకుమార్‌రాజు, ధనుంజయకుమార్‌, చిన్నయ్య, కృష్ణయ్య, హుమయూ నబాషా, శ్రీధర్‌మూర్తి, దేవపట్ల నాగముని, ఐఏఎల్‌ కడప ఉమ్మడి జిల్లా సహాయ కార్యదర్శి ఖా దర్‌బాషా, నాగేశ్వరరావు, ఆదిరెడ్డినాయక్‌, ఖిజర్‌అలీఖాన, వరలక్ష్మి, నిరంజన పాల్గొన్నారు.