వైఎస్ఆర్ గ్రామీణ మెగా క్రికెట్ టోర్నమెంట్ ఏర్పాట్లు పరిశీలించిన చెవిరెడ్డి
Andhra Pradesh Telugu | Suryaa Desk | Published : Thu, May 11, 2023, 10:40 AM
చంద్రగిరి నియోజకవర్గ పరిధిలోని తిరుపతి రూరల్ మండలం తుమ్మలగుంట వేదికగా వైఎస్ఆర్ గ్రామీణ మెగా క్రికెట్ టోర్నమెంట్ నిర్వహించనున్నారు. ఈమేరకు చంద్రగిరి ఎమ్మెల్యే చెవిరెడ్డి భాస్కర్ రెడ్డి క్రీడా మైదానంలో జరిగే ఏర్పాట్లును బుధవారం సాయంత్రం పరిశీలించారు. ఈ నెల 14న జరిగే టోర్నమెంట్ ప్రారంభానికి పోటీల్లో పాల్గొనే ప్రతి ఒక్క క్రీడాకారుడు హాజరయ్యేలా డివిజన్ పార్టీ అధ్యక్షులు, స్థానిక ప్రజా ప్రతినిధులు బాధ్యత తీసుకోవాలని సూచించారు. రాష్ట్రంలో ఎక్కడా లేని విధంగా తుమ్మలగుంట సమీపంలో ఏర్పాటు చేసిన అతిపెద్ద క్రీడామైదానంలో ఏక కాలంలో 12టీములు వేర్వేరుగా ఆడే విధంగా ఏర్పాట్లు చేస్తున్నట్టు ఎమ్మెల్యే చెవిరెడ్డి స్పష్టం చేశారు. ఒక్కొక్క గ్రౌండ్ లో రోజుకు నాలుగు మ్యాచ్ లు చొప్పున ఒక్క రోజుకు 50 టీములు ఆడేందుకు అవసరమైన ఏర్పాట్లు చేయడం జరిగిందన్నారు. నిరంతరాయంగా క్రికెట్ పోటీలు నిర్వహించడానికి అతి పెద్ద ప్లడ్ లైట్లును కూడా ఏర్పాటు చేస్తున్నామని తెలిపారు. టోర్నమెంట్ లో పాల్గొనే ప్రతి టీముకు 20వేలు విలువైన క్రికెట్ కిట్, నాణ్యమైన దుస్తులు, గెలిచిన వారికి ట్రోఫీ, రూ. 25లక్షల నగదు బహుమతులు ఇవ్వడం జరుగుతుందని ఎమ్మెల్యే చెవిరెడ్డి చెప్పారు.
|
|