ఆరోగ్యశ్రీ పెండింగ్ బిల్లులు ఇప్పటికే కొంత మేర చెల్లించాం
Andhra Pradesh Telugu | Suryaa Desk | Published : Thu, May 11, 2023, 11:55 AM
గతంలో ఎన్నడూ లేనంతగా వైద్య ఆరోగ్య శాఖలో ఉద్యోగాల భర్తీ చేశామని వైద్య ఆరోగ్య శాఖ మంత్రి విడదల రజిని అన్నారు. ఇప్పటికే వైద్య ఆరోగ్య రంగంలో 49వేలకుపైగా ఉద్యోగాలను భర్తీ చేశామని గుర్తుచేశారు. వైద్యానికి కావాల్సిన బడ్జెట్ పెంచాం, ఫ్యామిలీ డాక్టర్ కాన్సెప్ట్ను అందుబాటులోకి తెచ్చామని గుర్తుచేశారు. వైయస్ జగన్ మనసున్న ముఖ్యమంత్రి అని చెప్పారు. ముందస్తుగా ఆరోగ్య సమస్యలను గుర్తించడం వల్ల ఆస్పత్రులపై ఒత్తిడి తగ్గుతుందన్నారు. మెడికల్ కాలేజీలు తేవాలంటే చాలా ధైర్యం కావాలని, 17 మెడికల్ కాలేజీలు తీసుకొచ్చి సీఎం వైయస్ జగన్ చరిత్ర సృష్టించారని చెప్పారు. ప్రతీ పార్లమెంట్ నియోజకవర్గ పరిధిలో ఒక మెడికల్ కాలేజీ ఉండాలన్నదే సీఎం ఆశయమన్నారు. భావితరాలకు మెరుగైన వైద్యం అందించడం కోసం సీఎం ఒక మహాయజ్ఞం చేస్తున్నారన్నారు. ఆరోగ్యశ్రీ పెండింగ్ బిల్లులు ఇప్పటికే కొంత మేర చెల్లించాం.. త్వరలోనే మిగతా వాటిని కూడా చెల్లిస్తామని చెప్పారు. నాణ్యమైన వైద్యం అందించే విషయంలో వైయస్ జగన్ ప్రభుత్వం రాజీ పడదని మంత్రి విడదల రజిని అన్నారు.
|
|