ప్రజలకు అప్పగించడం అంటే చంద్రబాబుకు అప్పగించడమేనా...మంత్రి అంబటి రాంబాబు
Andhra Pradesh Telugu | Suryaa Desk | Published : Fri, May 12, 2023, 08:25 PM
అధికారం ప్రజలకు అప్పగించడం అంటే చంద్రబాబుకు అప్పగించడమేనా అని మంత్రి అంబటి రాంబాబు ప్రశ్నించారు. చంద్రబాబును ముఖ్యమంత్రి చేయడమే పవన్ లక్ష్యం అని వెల్లడించారు. జగన్ ను ఓడించి ప్రజలకు అధికారం అప్పగిస్తానని పవన్ అంటున్నాడని, ప్రజలకు అప్పగించడం అంటే చంద్రబాబుకు అప్పగించడమేనా అని అంబటి రాంబాబు నిలదీశారు.
ఓ విషయంలో తనకు బాధ కలుగుతోందని, జనసైనికులు, వీర మహిళలు, కాపులు పవనే సీఎం అని నినాదాలు చేశారని, కానీ పవన్ నిన్న తాను సీఎం అభ్యర్థిని కానని చెప్పేశాడని వెల్లడించారు. నిన్న సీఎం అభ్యర్థిని కాను అని చెప్పిన పవన్, ఇవాళ ఎన్నికలు అయిపోయాక సీఎం పదవి సంగతి చూసుకుందాం అంటున్నాడని అంబటి విమర్శించారు.
"గత ఎన్నికల్లో 137 స్థానాల్లో పోటీ చేస్తే గెలిచింది ఒక్క స్థానం... వచ్చింది 6 శాతం ఓట్లు... దీంతో 30 శాతం పెరిగిందా? లేదా, డబ్బులు తీసుకుని సినిమాలు చేసుకుంటే మద్దతు పెరుగుతుందా? లేదా, వారాహిని అందంగా తయారుచేయించుకుని ఇంట్లో పెట్టుకుని తుప్పు పట్టిస్తే నీకు మద్దతు పెరుగుతుందా? 24 గంటలూ రాజకీయాల్లో ఉంటేనే ఇవాళ అంతంత మాత్రంగా ఉంటే... నువ్వు పార్ట్ టైమ్ పొలిటీషియన్ లా అప్పుడప్పుడు వచ్చి జగన్ ను తిట్టి, చంద్రబాబును పొడిగితే మద్దతు పెరుగుతుందా? .. ఆయన ప్రశ్నించారు.
|
|