ట్రెండింగ్
నటుడు శరత్ బాబు మృతి పట్ల సీఎం జగన్ సంతాపం
national | Suryaa Desk | Published : Mon, May 22, 2023, 09:06 PM
నటుడు శరత్ బాబు మృతి పట్ల ఆంధ్రప్రదేశ్ రాష్ట్ర ముఖ్యమంత్రి వైయస్ జగన్మోహన్ రెడ్డి సంతాపం ప్రకటించారు. ప్రముఖ నటుడు శరత్ బాబు (71) కీలక అవయవాల వైఫల్యంతో ఈ మధ్యాహ్నం కన్నుమూశారు. శరీరం విషపూరితం (సెప్సిస్) కావడంతో ఆయనను బతికించేందుకు వైద్యుల ప్రయత్నాలు ఫలించలేదు. శరత్ బాబు మృతితో టాలీవుడ్ దిగ్భ్రాంతికి గురైంది. శరత్ బాబు మరణంపై ఏపీ సీఎం జగన్ స్పందించారు. తెలుగు చలనచిత్ర రంగంలో కథానాయకుడిగా, సహాయనటుడిగా, అన్ని రకాల పాత్రలను పోషించి ప్రత్యేక గుర్తింపు సంపాదించుకున్న గొప్ప నటుడు శరత్ బాబు అని కొనియాడారు. నేడు ఆయన ఈ లోకాన్ని విడిచి వెళ్లడం బాధాకరమని, శరత్ బాబు కుటుంబ సభ్యులకు ప్రగాఢ సానుభూతి తెలుపుకుంటున్నట్టు పేర్కొన్నారు.
|
|