ట్రెండింగ్
అవినాష్ రెడ్డి అరెస్టు కాకుండా సీఎం అడ్డుకుంటున్నారు... పరిటాల సునీత
Andhra Pradesh Telugu | Suryaa Desk | Published : Tue, May 23, 2023, 06:43 PM
సొంత చిన్నాన్న వైఎస్ వివేకాను హత్య చేసిన ఎంపీ అవినాశ్ రెడ్డిని అరెస్ట్ చేయకుండా అడ్డుకుంటున్నారని ఏపీ ముఖ్యమంత్రి జగన్ పై టీడీపీ నేత, మాజీ మంత్రి పరిటాల సునీత తీవ్ర విమర్శలు గుప్పించారు. సొంత చెల్లెలికి కూడా న్యాయం చేయలేని ముఖ్యమంత్రి ఉంటే ఎంత? లేకపోతే ఎంత? అని ప్రశ్నించారు. అవినాశ్ ను అరెస్ట్ చేసేందుకు సీబీఐకి సహకరించకుండా పోలీసులు డ్రామాలు ఆడుతున్నారని మండిపడ్డారు. టీడీపీ నేతలు, కార్యకర్తలను మాత్రం అర్ధరాత్రులు, తెల్లవారుజామున ఇళ్లలోకి దూరి అరెస్ట్ చేస్తారని దుయ్యబట్టారు. అవినాశ్ రెడ్డికి ఒక న్యాయం, ఎదుటి వ్యక్తులకు మరో న్యాయమా? అని ప్రశ్నించారు. వైఎస్ వివేకా కూతురు సునీత తన తండ్రిని చంపిన వారిని చూపించినప్పటికీ శిక్షించలేకపోతున్నారని ఆవేదన వ్యక్తం చేశారు.
|
|