శృంగారాన్ని క్రీడ పోటీలకు తెరలేపిన ఆ దేశం

సెక్స్ అంటేనే చాలా దేశాల్లో అదొక రహస్య మైన ప్రక్రియ. శృంగారం గురించి పక్క వారితో మాట్లాడటం కూడా తప్పుగా భావించే సమాజం ఉంది. 21 వ శతాబ్దంలోనూ ప్రపంచం ఎంతో అభివృద్ధి చెందినా సెక్స్ విషయంలో మాత్రం బహిరంగంగా చర్చించడానికి చాలా మంది సంకోచిస్తూ ఉంటారు. ఇలాంటి సమయంలో శృంగారాన్ని స్వీడన్ దేశం క్రీడగా గుర్తించింది. అంతే కాదు జూన్ 8 నుంచి యూరోపియన్ సెక్స్ ఛాంపియన్‌షిప్ పేరుతో పోటీలు నిర్వహించేందుకు సిద్ధమైంది. ఈ ఛాంపియన్‌షిప్ ఆరు వారాల పాటు జరగనుంది. ఈ ఛాంపియన్‌షిప్‌లో నమోదు చేసుకున్న పార్టిసిపెంట్స్ రోజుకు 6 గంటలపాటు పాల్గొనాల్సి ఉంటుంది.

ఈ సెక్స్ టోర్నమెంట్‌ను స్వీడిష్ సెక్స్ ఫెడరేషన్ ఆధ్వర్యంలో నిర్వహించనున్నారు. ఈ టోర్నమెంట్‌లో యూరోపియన్ దేశాలకు చెందినవారు ఎవరైనా పాల్గొనవచ్చని తెలిపింది. మొత్తం 16 ఛాలెంజింగ్ రౌండ్లతో ఈ ఛాంపియన్‌షిప్ నిర్వహించనున్నట్లు సెక్స్ అసోసియేషన్ ఛైర్మన్ డ్రాగన్ బాటిచ్ వెల్లడించారు. ఈ పోటీల్లో పాల్గొనేందుకు యూరోప్‌లోని వివిధ దేశాలకు చెందిన 20 మంది పేర్లను నమోదు చేసుకున్నట్లు తెలిపారు. భవిష్యత్‌లో మిగిలిన యూరప్ దేశాలు కూడా ఈ సెక్స్ ఛాంపియన్‌షిప్ నిర్వహిస్తాయని డ్రాగన్ బాటిచ్ ఆశాభావం వ్యక్తం చేశారు.

ఈ ఛాంపియన్‌షిప్‌లో విజేతలను ప్రకటించేందుకు ముగ్గురు జ్యూరీ సభ్యుల ఉంటారని నిర్వాహకులు తెలిపారు. జ్యూరీ సభ్యులతోపాటు ఆడియన్స్ కూడా విజేతను డిసైడ్ చేయడంలో పాల్గొననున్నారు. 70 - 30 శాతంతో విన్నర్‌ను డిసైడ్ చేయనున్నట్లు తెలిపారు. కంటెస్టెంట్ల పర్ఫామెన్స్‌ను బట్టి ఆడియన్స్ నుంచి 70 శాతం ఓట్లు.. జ్యూరీల నుంచి 30 శాతం ఓట్లు ఉంటాయని చెప్పారు. ప్రతి కంటెస్టెంట్ తర్వాతి లెవల్‌కు చేరాలంటే కనీసం మార్కులు సాధించాలనే నియమం పెట్టారు.

స్వీడన్ తీసుకున్న నిర్ణయంపై సోషల్ మీడియాలో భిన్నాభిప్రాయాలు వ్యక్తం అవుతున్నాయి. కొందరు నెటిజన్లు ఈ సెక్స్ ఛాంపియన్‌షిప్‌ బాగుంటుంది అని పోస్టులు పెడుతున్నారు. మరికొంతమంది మాత్రం బీభత్సంగా ట్రోల్స్ చేస్తున్నారు.