పోలవరం, వెలిగొండ పూర్తవ్వాలంటే 2024లోనూ వైయస్ జగనే సీఎం కావాలి
Andhra Pradesh Telugu | Suryaa Desk | Published : Sat, Jun 17, 2023, 04:45 PM
పాద‌యాత్ర‌లో ఎవరో ఇచ్చిన స్క్రిప్ట్‌ను చదువుతూ నారా లోకేష్ నవ్వులపాలవుతున్నారని వైయ‌స్ఆర్ కాంగ్రెస్ పార్టీ సీనియ‌ర్ నేత, మాజీ ఎంపీ మేకపాటి రాజమోహన్రెడ్డి అన్నారు. ఆత్మకూరులో అభివృద్ది లేదని విమర్శించే వాళ్లు అక్కడికి వెళ్లి చూస్తే తెలుస్తుందన్నారు. బుద్ధి, జ్ఞానం లేకుండా నారా లోకేష్ విమర్శలు చేస్తున్నాడ‌ని, వచ్చే ఎన్నికల్లో త‌మ స‌త్తా ఏంటో చూపిస్తామన్నారు. నెల్లూరులో సాగు నీటి ప్రాజెక్టులు అన్నీ దివంగ‌త మ‌హానేత వైయస్ రాజ‌శేఖ‌ర‌రెడ్డి, ఆయన త‌న‌యుడు సీఎం వైయస్ జగన్ పుణ్యమేనని చెప్పారు. పోలవరం, వెలిగొండ ప్రాజెక్టులు పూర్తి అవ్వాలంటే 2024లో కూడా వైయస్ జగన్ సీఎం కావాల‌న్నారు. చంద్రబాబుకు ఆర్థిక బలం, కమ్మ బలం, మీడియా సపోర్ట్ ఉంటే.. వైయస్ జ‌గ‌న్‌కు మాత్రం ప్రజాబలం ఉందన్నారు. లోకేష్ బుజ్జి బాబు చేసిన విమర్శలు పట్టించుకోవాల్సిన అవసరం లేదని మేకపాటి రాజమోహన్రెడ్డి అన్నారు.
|
|