మొసలిని పెళ్లి చేసుకున్న మేయర్,,,వేడుకకు భారీగా తరలివచ్చిన గ్రామస్థులు

ఓ నగరంలో పెళ్లి వేడుక జరుగుతోంది. దానికి ప్రజలంతా తరలి వచ్చారు. ఇంతకీ పెళ్లి ఎవరిది అనుకుంటున్నారా.. ఆ నగర మేయర్‌ది. మరి పెళ్లి కూతురు ఎవరో తెలిస్తే షాక్ అవుతారు. ఎందుకంటే ఆ మేయర్ ఒక మొసలిని పెళ్లి చేసుకుంటున్నాడు. తాను, ఆ మొసలి ఒకరికి ఒకరు ప్రేమించుకున్నట్లు కూడా చెప్పాడు. అదేంటీ ఒక మేయర్ మొసలిని పెళ్లి చేసుకోవడం ఏంటి అని ఆలోచిస్తున్నారా. అది అక్కడ ఆచారం అని స్థానికులు చెబుతున్నారు. ఈ ఘటన మెక్సికో దేశంలో జరిగింది.

మెక్సికోలోని శాన్ పెడ్రో హువామెలులా నగర మేయర్ విక్టర్ హ్యూగో.. ఓ ఆడ మొసలిని వివాహం చేసుకున్నాడు. ఆ మొసలి పేరు అలిసియా అడ్రియానా. అయితే ఇలా మొసలిని పెళ్లి చేసుకోవడం మధ్య అమెరికాలోని మెక్సికోలో ఎన్నో వందల ఏళ్ల నుంచి వస్తున్న ఆచారం అని స్థానికులు చెబుతున్నారు. అయితే ఈ పెళ్లిని సాధారణంగా కాకుండా పెద్ద ఊరేగింపుగా గ్రామస్థులంతా పెద్ద ఎత్తున పాల్గొని నిర్వహిస్తారు. ఈ వివాహం తమ ప్రాంత ప్రజలకు మరింత అదృష్టాన్ని తెస్తుందని స్థానికులు విశ్వసిస్తారు. ప్రజలు పెళ్లికుమారుడిని 

తన ఊరికి మంచి జరగాలనే ఉద్దేశ్యంతోనే ఆ మొసలిని పెళ్లి చేసుకునేందుకు సిద్ధమైనట్లు విక్టర్ హ్యూగో వెల్లడించాడు. స్థానికంగా నివసించే చొంటల్, హువావె జాతుల్లోని ప్రజల మధ్య శాంతి, సామరస్యాలు పెంపొందించాలనే లక్ష్యంతో ఇలా మొసళ్లను పెళ్లి చేసుకునే ఆచారం వచ్చిందని చెబుతున్నారు. ఈ రెండు జాతుల సంస్కృతుల సమన్వయానికి గుర్తుగా 230 సంవత్సరాల నుంచి ఈ పెళ్లి వేడుకలను నిర్వహిస్తున్నారు. ఇదే ఆచారాన్ని అక్కడి ప్రజలు ఇప్పటికి కొనసాగిస్తున్నారు. భూమి సస్యశ్యామలంగా ఉంచేలా.. సమృద్ధిగా వర్షాలు కురుస్తాయని పూర్వీకులు నమ్మేవారని మేయర్ చెప్పారు. అందుకే ఇప్పటికీ అదే ఆచారాన్ని కొనసాగిస్తున్నట్లు మేయర్‌ విక్టర్ హ్యూగో సోసా చెబుతున్నాడు.

అయితే ఇదేదో సాధారణంగా కాకుండా పెద్ద వేడుకగా.. గ్రామస్థులు అందరూ నిర్వహిస్తారు. ఈ వివాహ మహోత్సవానికి ముందు.. మొసలిని ఇంటి ఇంటికి ఊరేగింపుగా తిప్పుతారు. ఆ తర్వాత మొసలిని అందంగా ముస్తాబు చేస్తారు. ఆ సమయంలో మొసలి ఎవరిపైనా దాడి చేయకుండా దాని నోటికి కట్టు కడతారు. పెళ్లిలో భాగంగా తాము ఇద్దరం ఒకరినొకరు ప్రేమించుకున్నామని.. ఇక నుంచి ఆ మొసలి బాధ్యతను తానే చూసుకుంటానని మేయర్ ప్రమాణం చేసిన తర్వాత పెళ్లి చేసుకుంటాడు. అనంతరం మొసలితో కలిసి మేయర్‌ నృత్యం చేయడమే కాకుండా చివరికి దాన్ని ముద్దాడతాడు. తమ మేయర్‌ ఇలా మొసలిని పెళ్లి చేసుకోవడంతో తాము వేటకు వెళ్లినపుడు తమ వలలో అధిక చేపలు పడతాయని.. స్థానిక జాలర్లు చెబుతున్నారు. వాటితో తమ జీవితాలు బాగుపడతాయని ఆనందంగా చెబుతున్నారు.