వాలంటీర్లు వైయస్ జగన్ ప్రభుత్వానికి మంచి పేరు తెస్తున్నారనే దుగ్ధ పవన్ మాటల్లో కనిపిస్తోంది
Andhra Pradesh Telugu | Suryaa Desk | Published : Tue, Jul 11, 2023, 01:47 PM
వాలంటీర్ వ్యవస్థ, సచివాలయ వ్యవస్థ అంటే చంద్రబాబు, పవన్కు చలిజ్వరం భయం పట్టుకుందని మాజీ మంత్రి పేర్ని నాని పేర్కొన్నారు. ముఖ్యమంత్రి వైయస్ జగన్మోహన్ రెడ్డి సంక్షేమ పాలనను వీరిద్దరూ ఓర్వలేకపోతున్నారనిమండిపడ్డారు. పేద, బలహీన వర్గాలకు వాలంటీర్లు ఎనలేని సేవ చేస్తున్నారు. వాలంటీర్ వ్యవస్థతో సీఎం వైయస్ జగన్కు మంచి పేరు రావడాన్ని తట్టుకోలేకపోతున్నారని తెలిపారు. వాలంటీర్లు చేస్తున్న సేవ పవన్కు కనిపించడం లేదా?. వాలంటీర్ వ్యవస్థను రద్దు చేస్తామని మీ మేనిఫెస్టోలో పెట్టాలని సవాల్ చేస్తున్నా. వాలంటీర్లలో ఎక్కువ మంది మహిళలే పనిచేస్తున్నారు. అలాంటి వాలంటీర్లపై ఇంత దిగజారుడు మాటలు మాట్లాడుతారా?. అంటూ పేర్ని నాని మండిపడ్డారు. మనిషి జన్మనెత్తినవాడెవడూ ఇలా మాట్లాడడు. రాజకీయ పదవుల కోసం ఇంత దిగజారి మాట్లాడతారా?. చంద్రబాబు, పవన్లవి నీచ రాజకీయాలు అంటూ ధ్వజమెత్తారు. చంద్రబాబు మెప్పు కోసం వాలంటీర్లపై పవన్ దిగజారి వ్యాఖ్యలు చేస్తున్నారు. పవన్కు విజ్ఞత ఉంటే వాలంటీర్లపై చేసిన వ్యాఖ్యలు వెనక్కి తీసుకోవాలని పేర్ని నాని డిమాండు చేశారు.
|
|