ట్రెండింగ్
గజమాలలు వెయ్యకండి అంటున్న పవన్ కళ్యాణ్
Andhra Pradesh Telugu | Suryaa Desk | Published : Wed, Aug 09, 2023, 05:27 PM
జనసేన అధినేత పవన్ కళ్యాణ్ వారాహి విజయయాత్రలో గజమాలలు వద్దు అంటూ అభిమానులకు సూచించారు. భద్రత కారణాలను నాయకులు, శ్రేణులు దృష్టిలో ఉంచుకోవాలని హెచ్చరించారు. విశాఖ నగరం వేదికగా మూడో విడత వారాహి విజయ యాత్ర ప్రారంభం కానున్న క్రమంలో పవన్ కళ్యాణ్ వ్యక్తిగత భద్రతాపరమైన నిబంధనలను నాయకులు, శ్రేణులు పాటించాలని కోరుతున్నామన్నారు. ఇందులో భాగంగా వారాహి విజయ యాత్రలో, సభా వేదికల వద్దగాని క్రేన్లతో భారీ దండలు, గజమాలలు వేయడం లాంటి కార్యక్రమాలు ఎట్టి పరిస్థితుల్లోనూ చేపట్టవద్దన్నారు. యాత్ర వెళ్లే మార్గంలో భారీ క్రేన్లు, వాహనాలు ఏర్పాటు చేయడంవల్ల వాహన శ్రేణి సాఫీగా సాగడం లేదని, తన భద్రతకు భంగం వాటిల్లకుండా వారాహి విజయ యాత్రను విజయవంతం చేసేందుకు పార్టీ నాయకులు, కార్యకర్తలు అంతా సహకరించాలని పవన్ కల్యాణ్ కోరారు.
|
|