గుంటూరు నుండి సికింద్రాబాద్ వెళ్ళు ప్రయాణికులకు శుభవార్త
Andhra Pradesh Telugu | Suryaa Desk | Published : Thu, Aug 17, 2023, 03:48 PM
గుంటూరు-బీబీనగర్ మధ్య ఉన్న రైలు మార్గం డబ్లింగ్ పనులకు కేంద్ర కేబినెట్ ఆమోదం తెలిపింది. దీనివల్ల సికింద్రాబాద్-గుంటూరు/విజయవాడ మధ్య రైళ్ల రాకపోకలు గణనీయంగా పెరగటమేగాక ప్రయాణ సమయం కూడా తగ్గుతుంది. ముద్ఖేడ్-మేడ్చల్, మహబూబ్నగర్-డోన్ మార్గంలో కూడా ప్రస్తుత లైనును డబ్లింగ్ చేయాలని కేంద్రం నిర్ణయించింది. దీనివల్ల రాజస్థాన్, మహారాష్ట్ర, గుజరాత్కు దక్షిణ భారతదేశానికి మధ్య ప్రయాణ సమయం నాలుగు గంటలపాటు తగ్గనుంది. మరోవైపు రైల్వే ట్రాఫిక్ రద్దీని తట్టుకునేందుకు ఉత్తరాంధ్ర మూడు జిల్లాల్లో మూడో రైల్వే లైను నిర్మాణం జరగనుంది. ఖుర్దా రోడ్డు నుంచి విశాఖపట్నం వరకూ నిర్మించే ఈ రైల్వే లైనుకు రూ.5,618 కోట్లు ఖర్చు చేయనున్నారు. తెలంగాణ, ఆంధ్రప్రదేశ్తోపాటు 9 రాష్ట్రాల్లోని 35 జిల్లాల్లో ఏడు రైల్వే ప్రాజెక్టులను కేంద్ర క్యాబినెట్ బుఽధవారం ఆమోదించింది.
|
|