అమెరికా వెళ్లిన 21మంది విద్యార్థులకు షాక్,,,,వారిలో తెలుగు విద్యార్థులు కూడా

అమెరికా నుంచి వెనక్కు వచ్చిన తెలుగు విద్యార్థుల ఎపిసోడ్‌పై ఆంధ్రప్రదేశ్ ముఖ్యమంత్రి వైఎస్ జ‌గ‌న్‌మోహ‌న్ రెడ్డి ఆరా తీశారు. విద్యార్థుల వివరాలు తెలుసుకుని త్వరితగతిన వారి సమస్యను పరిష్కరించాలని సీఎంవో అధికారులను ఆదేశించారు. విద్యార్థుల పూర్తి వివరాలతో పాటు పూర్తి సమాచారాన్ని సేకరించాలని.. ఈ అంశంపై దృష్టి పెట్టాలని..అవసరమైతే విదేశీ వ్యవహారాల మంత్రిత్వ శాఖతో సంప్రదింపులు కూడా జరపాలని సూచించారు.

21 మంది భారతీయ విద్యార్థులకు అమెరికాలో ఊహించని పరిణామం ఎదురైంది. అక్కడ యూనివర్శటీల్లో కోర్సుల్లో చేరేందుకు వెళ్లగా.. ఎయిర్‌పోర్టులలో తనిఖీలు ఉంటాయి.. అయితే వారిలో కొంతమందిపై అనుమానంతో అక్కడి ఇమిగ్రేషన్‌ అధికారులు ఆరా తీశారు. యూనివర్శిటీల్లో ఫీజులు, విద్యార్థుల ఆర్థిక పరిస్థితులను పరిశీలించారు. మొబైల్స్, మెయిల్స్, కన్సల్టెన్సీలు, అమెరికాలోని విద్యార్థులతో ఫోన్ కాల్స్ రికార్డును పరిశీలించిన అధికారులు వారిని తిప్పి పంపారు. ఒకసారి అమెరికా నుంచి డిపోర్ట్‌ అయిన విద్యార్థులు తిరిగి 5 ఏళ్ల దాకా ఆ దేశ వీసాకు దరఖాస్తు చేసుకోవడానికి అనర్హులు.

అమెరికా ఇమిగ్రేషన్‌ అధికారులు వెనక్కు పంపారు. అట్లాంటా, శాన్‌ఫ్రాన్సిస్కో, షికాగో ఎయిర్‌పోర్ట్‌ల నుంచి రిటర్న్‌ ఫ్లైట్‌లు ఎక్కించారు. కొన్ని డాక్యుమెంట్లు సక్రమంగా లేకపోవడంతో పాటుగా ఇతర కారణాలతో వీరిని వెనక్కు పంపించారు. వీరిలో ఎక్కువ మంది తెలుగు రాష్ట్రాలకు చెందిన వారే ఉన్నారు. ఎన్నో ఆశలతో ఉన్నత విద్య నిమిత్తం అమెరికా వెళితే ఇలా వెనక్కు పంపించారని ఆవేదన వ్యక్తం చేశారు విద్యార్థులు. వీరిలో ఏపీ విద్యార్థఉలు కూడా ఉండటంతో సీఎం జగన్ ఆరా తీశారు.