ట్రెండింగ్
ఆన్‌లైన్‌ లో అందుబాటులోకి ఎన్టీఆర్ నాణ్యం
Andhra Pradesh Telugu | Suryaa Desk | Published : Mon, Aug 28, 2023, 01:44 PM
సినీ నటుడు, టీడీపీ వ్యవస్థాపకుడు ఎన్టీ రామారావు స్మారక నాణాన్ని రాష్ట్రపతి ద్రౌపది ముర్ము సోమవారం విడుదల చేశారు. ఈ కార్యక్రమానికి చంద్రబాబు సహా ఎన్టీఆర్ కుటుంబసభ్యులు హాజరయ్యారు. అయితే ఆన్‌లైన్‌ వెబ్‌సైట్‌లో ఎన్టీఆర్ స్మారక నాణెం లభిస్తుందని భారత ప్రభుత్వం హైదరాబాద్ మింట్ చీఫ్ జనరల్ మేనేజర్ వీఎన్‌ఆర్ నాయుడు ప్రకటించారు. ఈరోజు (సోమవారం) ఎన్టీరామారావు స్మారక నాణెం విడుదల చేయడం జరిగిందన్నారు. హైదరాబాదులోని మింట్ కార్యాలయంలో కూడా ఎన్టీఆర్ స్మారక నాణెం దొరుకుతుందన్నారు. ఎన్టీఆర్ స్మారక నాణెం 12 వేల కాయిన్స్ ఇప్పటి వరకు ముద్రణ వేశామని చెప్పారు. 100 రూపాయల నాణెంలో 50 శాతం వెండి, 40 శాతం రాగి, 5 శాతం నికెల్, 5 శాతం జింక్‌తో తయారుచేసినట్లు వెల్లడించారు.
|
|