ట్రెండింగ్
కాంప్లెక్స్‌లో అగ్ని ప్రమాదం, భారీగా ఆస్తి నష్టం
Andhra Pradesh Telugu | Suryaa Desk | Published : Thu, Aug 31, 2023, 02:03 PM
నంద్యాల జిల్లా, శ్రీశైలంలో లలితాంబికా షాపింగ్ కాంప్లెక్స్‌లో అగ్నిప్రమాదం చోటు చేసుకుంది. ఎల్ బ్లాక్‌ దుకాణాల్లో షార్ట్‌సర్క్యూట్‌ తో మంటలు చెలరేగి దుకాణాలు దగ్ధమయినట్లు తెలియవచ్చింది. సమాచారం అందుకున్న పోలీసులు, అగ్నిమాపక సిబ్బంది సంఘటన ప్రదేశానికి చేరుకుని భారీగా ఎగసిపడుతున్న మంటలను అదుపులోకి తీసుకువచ్చారు. మంటలు చెలరేగిన దుకాణాల వద్దకు చేరుకున్న ఈవో లవన్న ఎక్కడికక్కడ చర్యలు తీసుకుంటున్నారు. దుకాణాల దగ్ధంతో సుమారు రూ.2 కోట్ల మేర ఆస్తి నష్టం జరిగినట్లు ప్రాథమిక సమాచారం. పూర్తి సమాచారం తెలియాల్సి ఉంది.
|
|