ట్రెండింగ్
గుడివాడలో చివరికి ఎవరు..?
Andhra Pradesh Telugu | Suryaa Desk | Published : Sat, Sep 02, 2023, 03:22 PM
గత ఎన్నికల్లో గుడివాడ నియోజకవర్గంలో అవినాశ్పై స్థానికేతరుడు అన్న ప్రచారం చేసి కొడాలి నాని వర్గం లబ్ధి పొందింది అందుకే ఈసారి అలాంటి ఆస్కారం లేకుండా గుడివాడకే చెందిన వెనిగండ్ల రామును టీడీపీ అధిష్ఠానం తెరపైకి తెచ్చింది. గత కొన్ని రోజులుగా నియోజకవర్గ వ్యాప్తంగా విస్తృతంగా పర్యటిస్తూ సేవా కార్యక్రమాలతో ప్రజల్లో ఉంటూ రాము తనకంటూ ఓ గుర్తింపు తెచ్చుకున్నారు. గుడివాడ నియోజకవర్గంలో సుమారు 1.80 లక్షల ఓటర్లు ఉండగా ఎస్సీ, బీసీ, కాపులు గెలుపోటములను ప్రభావితం చేసే స్థాయిలో ఉన్నారు. రాము సతీమణి దళిత సామాజికవర్గానికి చెందిన వారు కావడం ఆయనకు కలిసి వచ్చే అంశం. అయితే గుడివాడ నియోజకవర్గ ఇన్చార్జిగా ఉన్న రావి వెంకటేశ్వరరావు సైతం ఈసారి ఎలాగైనా పోటీలో నిలవాలన్న లక్ష్యంతో ఉన్నారు.
|
|