సైకో కిల్లర్ అరెస్ట్
Andhra Pradesh Telugu | Suryaa Desk | Published : Wed, Sep 06, 2023, 03:20 PM
ఒంగోలు, సీఎస్.పురం మండలం చింతలపాలెంలో 16 నెలల చిన్నారిని హత్య చేసిన అతడిని మంగళవారం పోలీసులు అరెస్టు చేశారు. వివరాల్లోకి వెళ్ళితే.... నిందితుడు అమర్ ఇంటర్మీడియట్ వరకూ చదువుకొని చెడువ్యసనాలకు బానిసయ్యాడు. జులాయిగా తిరుగుతూ పెట్రోలు వాసన పీల్చి మైకంలో తేలిపోతుంటాడు. తన ఇంటికి సమీపంలో ఉండే బంధువైన వివాహిత కెజియాపై వ్యామోహం పెంచుకున్నాడు. అప్పుడప్పుడూ సైకోగా ప్రవర్తించే అతను ఈనెల 30వ తేదీన అర్ధరాత్రి కెజియో ఇంట్లోకి ప్రవేశించాడు. ఆమె కుమారుడు మైలారి సాత్విక్షోలోం (16నెలలు) నాయనమ్మ పక్కలో పడుకొని నిద్రిస్తుండగా అతడిని కిడ్నాప్ చేశాడు. సమీపంలోని పొలాల్లోకి తీసుకెళ్లాడు. అక్కడ బాలుడికి ఊపిరాడకుండా చేసి చంపేశాడు. అనంతరం చిన్నారి మృతదేహంపై సజ్జ పొట్టు కప్పి ఇంటికి వచ్చాడు. కొద్దిసేపటి తర్వాత నిద్రలేచి చూసే సరికి బాలుడు కన్పించకపోవడంతో అతని నానమ్మ, తల్లిదండ్రులు వెతకడం ప్రారంభించారు. వారితో కలిసి అమర్ కూడా వెతుకున్నట్లు నటించాడు. బాలుడి తల్లి ఇచ్చిన ఫిర్యాదుతో సీఎ స్.పురం పోలీసులు కేసు నమోదు చేశారు. బృందాలుగా ఏర్పడి చిన్నారిని వెతకడం ప్రారంభించారు. ఈనెల 3న గ్రామ సమీపంలోని పెనుబాక పిచ్చమ్మ పొలంలో బాలుడి మృతదేహాన్ని గుర్తిం చారు. అనంతరం సాంకేతిక పద్ధతుల్లో విచారణ చేపట్టి చిన్నారిని హత్య చేసింది అమర్ అని నిర్ధారించుకున్నారు. మంగళవారం మధ్యాహ్నం నిందితుడిని పామూరులో అరెస్టు చేసినట్లు ఎస్పీ చెప్పారు.
|
|