చంద్రబాబు అరెస్ట్లో ఎలాంటి దురుద్దేశాలు లేవు
Andhra Pradesh Telugu | Suryaa Desk | Published : Sat, Sep 09, 2023, 10:31 AM
పకడ్బందీగా ప్లాన్ చేసిన స్కామ్ కేసులోనే చంద్రబాబును సీఐడీ పోలీసులు అరెస్ట్ చేశారని వైయస్ఆర్సీపీ రాష్ట్ర ప్రధాన కార్యదర్శి సజ్జల రామకృష్ణారెడ్డి పేర్కొన్నారు. చంద్రబాబు అరెస్టులో అసలు విషయం పక్కకు వెళ్లేలా టీడీపీ నేతలు గందరగోళం సృష్టిస్తున్నారని ఆయన మండిపడ్డారు.. చంద్రబాబు అరెస్ట్లో ఎలాంటి దురుద్దేశాలు లేవు.. బలమైన ఆధారాలతోనే సిట్ వేశాం.. సీఎం వైయస్ జగన్ మోహన్ రెడ్డి ప్రభుత్వం ఎంతో సంయమనంతో ఉందన్నారు.. దర్యాప్తు సంస్థలు ఎంతో స్వేచ్చగా దర్యాప్తు చేస్తున్నాయన్నారు. స్వాతంత్ర్య భారత దేశంలో అత్యంత హేయమైనది ఆర్ధిక నేరం.. స్కీమ్ పేరుతో స్కామ్ చేశారని ఆయన విమర్శించారు. స్కిల్డెవలప్మెంట్ స్కాంలో ఏపీ ప్రతిపక్ష నేత చంద్రబాబు అరెస్ట్ అయ్యాక.. రాజకీయ దురుద్దేశాలతోనే తనను అరెస్ట్ చేశారంటూ వ్యాఖ్యానించారు.
|
|