అసలు చంద్రబాబు అరెస్ట్ ఐతే, పవన్ కి ఏంటి బాధ..?
Andhra Pradesh Telugu | Suryaa Desk | Published : Mon, Sep 18, 2023, 11:45 AM
చంద్రబాబు అరెస్టు అయ్యి రాజమండ్రి సెంట్రల్ జైళ్లో ఉన్న తర్వాత టీడీపీ తాబేదార్లు, వారి మీడియా, దత్తపుత్రుడు ఇది అన్యాయం, అక్రమమని, కేవలం కక్షతోనే ఆయన్ను అరెస్ట్ చేసిందని ప్రచారం చేసే ప్రయత్నం చేస్తున్నారని రాష్ట్ర జలవనరుల శాఖ మంత్రి అంబటి రాంబాబు మండిపడ్డారు. అయన మాట్లాడుతూ.... వారి కుటుంబ సభ్యులు లోకేశ్, బ్రాహ్మణి, భువనేశ్వరి, బాలకృష్ణలు కూడా ఏదో చేయాలనే ప్రయత్నం చేశారు. ఆయన ఎంత దుర్మార్గుడైనా, ఎన్ని అవినీతి కార్యక్రమాలకు పాల్పడ్డా అది రక్తసంబంధం కాబట్టి సహజం. కానీ ఎటువంటి బంధం లేని పవన్ కళ్యాణ్ కుటుంబ సభ్యులకంటే ఎక్కువగా ఆందోళన చెందుతున్నారు. చంద్రబాబు కుమారుడు రోడ్డు మీద కూర్చుంటే...పవన్ కల్యాణ్ ఏకంగా రోడ్డుపై పడుకుని దొర్లాడాడు. పవన్ కల్యాణ్ను నమ్ముకుని పనిచేస్తున్న జనసైనికులు, వీరమహిళలు ఆలోచన చేయాలని నేను కోరుతున్నా అని తెలియజేసారు.
|
|