ట్రెండింగ్
ఆధార్ కార్డు వినియోగం వల్ల సమస్యలు అంటున్న మూడీస్ ఏజెన్సీ
national | Suryaa Desk | Published : Tue, Sep 26, 2023, 04:24 PM
భారతీయుల గుర్తింపు కార్డు అయినా ఆధార్ కార్డు భద్రతపై మూడీస్ ఏజెన్సీ ‘డీసెంట్రలైజ్డ్ ఫైనాన్స్ అండ్ డిజిటల్ అసెట్స్’ పేరుతో ఓ నివేదిక విడుదల చేసింది. ఆధార్ కార్డు వినియోగం వల్ల భద్రతాపరమైన సమస్యలు తలెత్తే అవకాశాలున్నాయని మూడీస్ ఆరోపించింది. ఆధార్ సేవలు తరచుగా తిరస్కరణకు గురవుతున్నాయని, బయోమెట్రిక్ సరిగ్గా రాక చాలా మందికి సేవలు అందడం లేదని తన నివేదికలో పేర్కొంది. ముఖ్యంగా తేమ, వేడి వాతావరణంలో పని చేసే కార్మికులు ఆధార్ను ఉపయోగించడం శ్రేయస్కరం కాదని చెప్పుకొచ్చింది. అలాగే పౌరుల వ్యక్తిగత సమాచారం చోరీకి గురయ్యే ప్రమాదం ఉందని ఆరోపించింది. బ్యాంకింగ్ అవసరాలు, సామాజిక మాధ్యమాలు, ప్రభుత్వ సంక్షేమాలు అన్నింటికి ఒకే గుర్తింపు కార్డును ఉపయోగించడం వల్ల వినియోగదారుల వ్యక్తిగత సమాచారం ఇతరుల చేతికి చిక్కే ప్రమాదం ఉందని మూడీస్ తన నివేదికలో పేర్కొంది.
|
|