సంక్రాంతి రద్దీ,,,రైళ్లలో టికెట్లన్నీ హౌస్ ఫుల్ ,,,,ఎక్కడ చూసిన వెయింట్ లిస్ట్ దర్శనం

దసరా పండుగకు మరో వారం సమయం ఉంది.. అదే సంక్రాంతికి అయితే మూడు నెలల సమయం ఉంది. అయితే ఇప్పటి నుంచే హడావిడి మొదలైంది.. ఇతర రాష్ట్రాల నుంచి ఏపీకి వెళ్లేవారు టికెట్లు బుక్ చేసుకుంటున్నారు. ఈ ఏడాది మాత్రం విచిత్రంగా మూడు నెలల ముందే టికెట్లు అన్నీ బుక్ అయ్యిపోయాయి.. అప్పుడే వెయిటింగ్ లిస్టులు కనిపిస్తున్నాయి. ముఖ్యంగా కోస్తావైపు వెళ్లే రైళ్లన్నీ హౌస్‌ఫుల్ అయ్యాయి. అలా టికెట్లు రిలీజ్ కాగానే మూడు నెలల ముందే హాట్ కేకుల్లా బుక్ అయ్యాయి. హైదరాబాద్ నుంచి విశాఖపట్నం, కాకినాడ, భీమవరం, మచిలీపట్నం, నర్సాపురం, నెల్లూరు, తిరుపతి నుంచి వెళ్లే రైళ్లలో టికెట్లు జనవరి 20 నుంచి 13 మధ్య అయిపోయాయి. వచ్చే ఏడాది జనవరి 11, 12 తేదీల్లో ఎక్కువమంది తమ సొంత ఊళ్లకు వెళుతున్నారు. అప్పుడు చాంతాడంత వెయిటింగ్ లిస్టులు కనిపిస్తున్నాయి. విశాఖ వైపు టికెట్లకు ఎక్కువ డిమాండ్ ఉంది. ఎవరైనా టికెట్లు బుక్ చేద్దామని ఐఆర్‌సీటీసీ సైట్, యాప్ ఓపెన్ చేస్తే జనవరి 12కు రీగ్రెట్ స్టేటస్ వస్తుంది. గోదావరి, గరీబ్ రథ్, ఎల్‌టీటీ రైళ్లది అదే పరిస్థితి. వందేభారత్, జన్మభూమి ఎక్స్‌ప్రెస్‌లలో కూడా ఛైర్ కార్ టికెట్స్ ఫుల్ అయ్యాయి.. ఇప్పుడు వెయిటింగ్ లిస్ట్ కనిపిస్తోంద.ి

ఆంధ్రా మీదుగా ఒడిశా, పశ్చిమ బెంగాల్, తమిళనాడు వైపు వెళ్లే రైళ్లు కూడా సంక్రాంతి రద్దీతో హౌస్‌పుల్ అయ్యాయి. మూడు నెలల ముందే వెయిటింగ్ లిస్టులు చూసి రైల్వే అధికారులు కూడా అవాక్కవుతున్నారు. అయితే రద్దీని బట్టి స్పెషల్ రైళ్లను నడిపేందుకు రైల్వేశాఖ సిద్ధమవుతోంది. త్వరలోనే దీనిపై నిర్ణయం తీసుకునే అవకాశం ఉంది. సంక్రాంతి మాత్రమే కాదు దసరాకు కూడా ఇదే పరిస్థితి కనిపిస్తోంది.. టికెట్లన్నీ ఇప్పటికే అయిపోయాయి. ఈసారి దసరా సెలువులు కూడా ఎక్కువగా రావడంతో సొంత ఊళ్లకు అందరూ వెళుతునన్నారు. అయితే ఈ ఏడాది సంక్రాంతికి జనాలకు టికెట్ల కష్టాలు తప్పేలా లేవు. ఇది సంక్రాంతికి ఊరికి వెళదామని ప్లాన్ చేసుకుంటున్నవారికి బ్యాడ్ న్యూస్ అనే చెప్పాలి.

మరోవైపు ఏపీ, తెలంగాణ ఆర్టీసీలు సంక్రాంతి రద్దీ ఉంటుందనే అంచనాతో స్పెషల్ బస్సుల్ని నడుపుతాయి. ఏపీఎస్ ఆర్టీసీ, తెలంగాణ ఆర్టీసీ రద్దీగా ఉండే రూట్లలో ఈ సర్వీసుల్ని నడుపుతుంది.. పండుగకు వెళ్లే సమయంలో, మళ్లీ ఊళ్ల నుంచి తిరుగు ప్రయాణం అయ్యే సమయంలో ఈ బస్సుల్ని అందుబాటులోకి తెస్తారు. ఎన్ని బస్సులు, రైళ్లు ఏర్పాటు చేసినా ఫుల్ రద్దీ మాత్రం ఉంటుంది.