చంద్రబాబుకు అస్వస్థత.. రాజమండ్రి సెంట్రల్ జైలుకు వైద్య బృందం
Andhra Pradesh Telugu | Suryaa Desk | Published : Thu, Oct 12, 2023, 07:46 PM
స్కిల్ డెవలప్మెంట్ స్కాం కేసులో భాగంగా రాజమండ్రి సెంట్రల్ జైలులో జ్యూడీషియల్ రిమాండ్లో ఉన్న ఏపీ మాజీ సీఎం చంద్రబాబు స్వల్ప అస్వస్థతకు గురయ్యారు. అయితే.. గత వారం రోజులుగా ఎండ తీవ్రత ఎక్కువగా ఉండటంతో.. డీహైడ్రేషన్కు లోనైన చంద్రబాబు అస్వస్థతకు గురవగా వైద్యులు పరీక్షించి ఆందోళన చెందాల్సిన అవసరం లేదని చెప్పారు. కాగా.. గురువారం మరోసారి చంద్రబాబు అస్వస్థతకు గురయ్యారు. చంద్రబాబుకు పరీక్షలు నిర్వహించిన వైద్య బృందం.. ఆయన చర్మ సంబంధిత అస్వస్థతతో బాధపడుతున్నట్టు తేల్చారు. చంద్రబాబుకు చర్మ సంబంధిత అలర్జీ వచ్చిందని వైద్యులు తెలిపారు. దీంతో.. డెర్మటాలజీ స్పెషలిస్టును పంపించాలని జైలు అధికారులు.. రాజమండ్రి జీజీహెచ్ సూపరింటెండెంట్కు లేఖ రాయటంతో.. వైద్యబృందం హుటాహుటిన సెంట్రల్ జైలుకు వెళ్లింది. దీంతో.. ఒక అసోసియేట్ ప్రొఫెసర్, ఒక అసిస్టెంట్ ప్రొఫెసర్ను జీజీహెచ్ అధికారులు జైలుకు పంపించారు. అయితే.. చంద్రబాబు ఎప్పటి నుంచో చర్మానికి సంబంధించిన ఇష్యూతో బాధపడుతున్న విషయం తెలిసిందే. కాగా.. ఇప్పుడు వచ్చిన ఎలర్జీ ఎలాంటిది.. తనకు ఎప్పటి నుంచో ఉన్న ఇష్యూకి సంబంధించి ఏమైనా తిరగబడిందా.. లేదా జైలు వాతావరణ పడక ఆయనకు ఇబ్బంది తలెత్తిందా.. లాంటి విషయాలపై వైద్యులు నిశితంగా పరీక్షించనున్నారు. ఆ తర్వాత ఎలాంటి చికిత్స అందించాలి అన్నది నిర్ణయించనున్నారు. ఈరోజు రాత్రి చంద్రబాబు ఆరోగ్యంపై హెల్త్ బులెటిన్ రిలీజ్ చేసే అవకాశాలున్నట్టు తెలుస్తోంది.
|
|