ట్రెండింగ్
రోడ్డు ప్రమాదంలో యువకుడు మృతి
Andhra Pradesh Telugu | Suryaa Desk | Published : Sat, Oct 14, 2023, 12:21 PM
విజయనగరం జిల్లా, పెద బంటుపల్లి జంక్షన్‌ వద్ద శుక్రవారం రాత్రి ఘోర రోడ్డు ప్రమాదం చోటు చేసుకుంది. వివరాల్లోకి వెళ్ళితే... పెద బంటుపల్లికి చెందిన రాంబాబు, లోకేష్‌ స్నేహితులు. వీరిద్దరూ గరివిడిలో ఇంటర్మీడియట్‌ రెండో సంవత్సరం చదువుతున్నారు. శనివారం లోకేష్‌ పుట్టిన రోజు కావడంతో దుస్తులు కొనడంతో పాటు కేక్‌ ఆర్డర్‌ ఇచ్చేందుకు గ్రామం నుంచి గరివిడి బయల్దేరారు. ఇంతలో ఎదురుగా వస్తున్న ద్విచక్ర వాహనాన్ని తప్పించే ప్రయత్నంలో వీరి వాహనం బోల్తా పడింది. అదే సమయంలో వెనుక నుంచి వేగంగా వస్తున్న బొలేరో వాహనం వీరిద్దరినీ ఢీకొట్టింది. రాంబాబు (19) అక్కడికక్కడే మృతి చెందగా... లోకేష్‌ తీవ్ర గాయాలతో గరివిడిలో చికిత్స పొందుతున్నాడు.
|
|