చంద్రబాబు ఆరోగ్యంపై వైద్యుల నివేదిక భువనేశ్వరికి అందించాం
Andhra Pradesh Telugu | Suryaa Desk | Published : Wed, Oct 18, 2023, 10:18 AM
రాజమహేంద్రవరం జైలులో టీడీపీ అధినేత చంద్రబాబు ఆరోగ్యంపై వైద్య పరీక్షలు నిర్వహించి ప్రభుత్వ వైద్యులు ఇచ్చిన నివేదికను అందజేయాలని కోరుతూ దాఖలైన పిటిషన్పై విచారణను విజయవాడ ఏసీబీ కోర్టు గురువారానికి వాయిదావేసింది. మంగళవారం కోర్టు కార్యకలాపాలు ప్రారంభమయ్యాక న్యాయాధికారి హిమబిందు.. ఇటు చంద్రబాబు తరఫు న్యాయవాదులతో, అటు సీఐడీ తరఫు న్యాయవాదులతో కొద్దిసేపు మాట్లాడారు. 19న చంద్రబాబు జ్యుడీషియల్ రిమాండ్ ముగుస్తున్నందున అదే రోజు ఆన్లైన్లో ఆయనతో మాట్లాడతానని తెలిపారు. ఆయన న్యాయవాదులు దాఖలు చేసిన పిటిషన్పై కౌంటర్ వేయాలని సీఐడీని ఆదేశించారు. సీఐడీ అధికారులు సాయంత్రం కౌంటర్ దాఖలు చేశారు. చంద్రబాబు ఆరోగ్యంపై వైద్యుల నివేదికను ఆయన సతీమణి భువనేశ్వరికి అందజేశామని అందులో తెలిపారు. అనంతరం తదుపరి విచారణను 19వ తేదీకి వాయిదా వేస్తున్నట్లు న్యాయాధికారి ప్రకటించారు.
|
|