ఫోటోలను మార్ఫింగ్ చేసి బెదిరింపులు,,,,విశాఖలో యువకుడ్ని అరెస్ట్ చేసిన పోలీసులు
Andhra Pradesh Telugu | Suryaa Desk | Published : Thu, Oct 19, 2023, 06:34 PM
సోషల్ మీడియాలో ఓ క్రేజ్‌గా మారింది.. ముఖ్యంగా యూత్‌లో అన్ని యాప్స్‌లో అకౌంట్ ఉండాల్సిందే. అయితే ఈ సోషల్ మీడియా మాధ్యమాల వలన లాభాల కంటే నష్టాలు ఎక్కువయ్యాయి. ఓ వైపు సైబర్ మోసాలు, మరో వైపు పోకిరీగాళ్ల దెబ్బకు అమ్మాయిలు ఇబ్బందుల్లో పడుతున్నారు. కొందరు సామాజికమాధ్యమాల ద్వారా అమ్మాయిల్ని ట్రాప్ బెదిరింపులకు దిగుతున్నారు.. ఇటీవల కాలంలో ఇలాంటి తరహా నేరాలు పెరిగిపోయాయి. పార్వతీపురం జిల్లా బిట్రపాడుకు చెందిన నవీన్ అనే యువకుడు సామాజిక మాధ్యమాల్లో ఫేక్ అకౌంట్ క్రియేట్ చేశాడు. విశాఖకు చెందిన యువతితో పరిచయం పెంచుకున్నాడు. తర్వాత ఆ యువకుడు ప్రేమ పేరుతో ఆమెకు మాయమాటలు చెప్పి ట్రాప్ చేశాడు. యువతికి సంబంధించిన వ్యక్తిగత ఫోటోలను సేకరించాడు. ఆ తర్వాత డబ్బులు, బంగారం తీసుకురావాలని బెదిరింపులకు దిగాడు. బంగారం, డబ్బులు ఇవ్వకపోతే ఫోటోలను అసభ్యంగా మార్ఫింగ్ చేసి అందరికి పంపిస్తానని బెదిరింపులకు దిగాడు. బాధితురాలు ఈ వేధింపులు భరించలేక సైబర్‌క్రైమ్‌ పోలీసులకు ఫిర్యాదు చేసింది. దర్యాప్తు చేసిన సైబర్‌క్రైమ్‌ పోలీసులు నవీన్‌ను అరెస్ట్ చేశారు. నిందితుడు గతంలో నాలుగు కేసుల్లో జైలుకు వెళ్లి వచ్చినట్లుగా గుర్తించారు. సైబర్ క్రైమ్‌ పోలీసులు అతడ్ని రిమాండ్‌కు పంపించారు. ఇటీవల కాలంలో సామాజిక మాధ్యమాల ద్వారా యువతులతో పరిచయం పెంచుకుని ప్రేమ పేరుతో నటించి, తర్వాత వారి నుంచి డబ్బుల కోసం బెదిరింపులకు పాల్పడుతున్నారు. రెండు రోజుల క్రితం ప్రకాశం జిల్లా సింగరాయకొండలో కూడా ఇదే తరహాలో మరో ఘటన జరిగింది.
|
|