వైఎస్సార్‌ జీవన సాఫల్య పురస్కారాలు,,,,జాబితాను ప్రకటించిన ఏపీ ప్రభుత్వం

ఏపీ ప్రభుత్వం వైఎస్సార్‌ జీవన సాఫల్య పురస్కారాలు - 2023కు ఎంపికైన వారి జాబితాను ప్రకటించింది. వివిధ రంగాల్లో ఈ అవార్డులకు ఎంపిక చేశారు. ఏపీ ప్రభుత్వ కమ్యూనికేషన్స్ అడ్వైజర్ జీవీడి. కృష్ణమోహన్ ఈ జాబితాను ప్రకటించారు. వివిధ రంగాల్లో సమాజానికి సేవలు అందించిన వారికి వైఎస్సార్‌ అవార్డులు ఇస్తున్నామని తెలిపారు. రెండు సంస్థలు సహా 23 మందికి జీవన సాఫల్య పురస్కారాలు, నలుగురికి సాఫల్య పురస్కారాలను ఇవ్వనున్నట్లు తెలిపారు. జీవన సాఫల్య పురస్కారం కింద రూ.10 లక్షలు, వైఎస్సార్‌ కాంస్య ప్రతిమ, జ్ఞాపిక, ప్రశంసాపత్రం అందిస్తారు. అలాగే సాఫల్య పురస్కారం కింద రూ.5 లక్షల నగదుతో పాటు జ్ఞాపిక, ప్రశంసాపత్రం అందిస్తారు.

జీవన సాఫల్య పురస్కారాలు అందుకునే వారి వివరాలు ఇలా ఉన్నాయి.

వై.వి.మల్లారెడ్డి (ఆదర్శ రైతు - అనంతపురం)

కోట సచ్చిదానందశాస్త్రి (హరికథ - బాపట్ల)

కోన సన్యాసి (తప్పెటగుళ్లు- శ్రీకాకుళం )

కలీసాహెబీ మహబూబ్‌-షేక్‌మహబూబ్‌ సుబానీ దంపతులు (నాదస్వరం - ప్రకాశం)

యడ్ల గోపాలరావు (రంగస్థల కళాకారుడు - శ్రీకాకుళం)

తలిసెట్టి మోహన్‌ (కలంకారీ కళాకారుడు - తిరుపతి)

ఉప్పాడ హ్యాండ్‌లూమ్‌ వీవర్స్‌ కో ఆపరేటివ్‌ సొసైటీ - కాకినాడ

ఎస్‌.వి.రామారావు (చిత్రకారుడు - కృష్ణా)

రావు బాలసరస్వతి (నేపథ్య గాయని, నెల్లూరు)

తల్లావఝుల శివాజీ (చిత్రకారుడు, రచయిత, పాత్రికేయుడు - ప్రకాశం)

చింగిచెర్ల కృష్ణారెడ్డి (జానపద కళలు - అనంతపురం)

నామిని సుబ్రహ్మణ్యం నాయుడు (తెలుగు భాష, సాహిత్యం - చిత్తూరు)

ఫ్రొఫెసర్‌ బేతవోలు రామబ్రహ్మం (తెలుగు భాష, సాహిత్యం - పశ్చిమగోదావరి)

అట్టాడ అప్పలనాయుడు (తెలుగు భాష, సాహిత్యం - శ్రీకాకుళం)

క్రీడలు: పుల్లెల గోపీచంద్‌ (గుంటూరు), కరణం మల్లీశ్వరి (శ్రీకాకుళం)

పత్రికా రంగం: గోవిందరాజు చక్రధర్‌ (కృష్ణా),హెచ్చార్కే (కర్నూలు)

సమాజ సేవ: బెజవాడ విల్సన్‌ (ఎన్టీఆర్‌ జిల్లా)

వైద్యం: ఇండ్ల రామసుబ్బారెడ్డి (ఎన్టీఆర్‌ జిల్లా), ఈసీ వినయకుమార్‌రెడ్డి (వైఎస్సార్‌ జిల్లా)

నిర్మల హృదయ భవన్‌ (ఎన్టీఆర్‌ జిల్లా), జి.సమరం (ఎన్టీఆర్‌ జిల్లా)

సాఫల్య పురస్కారాల వివరాలు ఇలా ఉన్నాయి.. పంగి వినీత (గిరిజన మహిళా రైతు, శ్రీకాకుళం), ఖదీర్‌బాబు (తెలుగు భాష, సాహిత్యం, నెల్లూరు), మహెజబీన్‌ (తెలుగు భాష, సాహిత్యం, నెల్లూరు), శ్యాం మోహన్‌ (సమాజ సేవ, డా.బీఆర్‌ అంబేద్కర్ కోనసీమ జిల్లా) ఆంధ్రప్రదేశ్ రాష్ట్ర అవతరణ దినోత్సవం సందర్భంగా నవంబర్ 1వ తేదీన అవార్డు గ్రహీతలకు ఈ అవార్డులను ప్రదానం చేయనున్నారు. ఈ అవార్డుల్ని అందించడం ఇది వరుసగా మూడో ఏడాది.