ట్రెండింగ్
ఇసుక తవ్వకాలపై సీబీఐ, సీవీసీలకు టిడిపి ఫిర్యాదు
Andhra Pradesh Telugu | Suryaa Desk | Published : Mon, Oct 30, 2023, 12:10 AM
ఆంధ్రప్రదేశ్ రాష్ట్రంలో వైసిపి సర్కార్ టిడిపి పార్టీ మధ్య పొలిటికల్ వార్ కొనసాగుతున్న విషయం తెలిసిందే.
ఏపీలో ఇసుక తవ్వకాలు జరుగుతున్న తీరును తెలుగుదేశం పార్టీ కేంద్రం దృష్టికి తీసుకెళ్లింది. ఇసుక తవ్వకాల్లో అక్రమాలు జరుగుతున్నాయంటూ కేంద్ర దర్యాప్తుల సంస్థలకు టీడీపీ ఫిర్యాదు చేసింది. ఆ మేరకు సీబీఐ, సీవీసీలకు టీడీపీ ఎంపీలు కనకమేడల రవీంద్రకుమార్, కింజరాపు రామ్మోహన్ నాయుడు లేఖలు రాశారు. ఏపీ ప్రభుత్వం నేషనల్ గ్రీన్ ట్రైబ్యునల్ (ఎన్జీటీ) నిబంధనలు పాటించడంలేదని ఆరోపించారు. ప్రభుత్వ పెద్దల బినామీలకే టెండర్లు ఇస్తున్నారని వెల్లడించారు. ప్రీ బిడ్ సమావేశాన్ని కూడా రహస్యంగా కోల్ కతాలో నిర్వహించారని వివరించారు.
|
|