అరుదైన ఫీట్.. ప్రపంచంలోనే మొట్టమొదటి పూర్తిస్థాయి కంటి మార్పిడి

ఆధునిక వైద్యశాస్త్రం మరో ఘనత సాధించింది. ప్రపంచంలోనే మొట్టమొదటి పూర్తిస్థాయి కన్ను మార్పిడి శస్త్రచికిత్సను అమెరికా వైద్యులు నిర్వహించారు. నూయార్క్‌లోని సర్జన్ల బృందం ఓ వ్యక్తికి మొత్తం కంటిని మార్పిడి చేశారు. అయినప్పటికీ రోగికి నిజంగా చూపు వస్తుందో లేదో ఇంకా తెలియదని వారు తెలిపారు. శస్త్రచికిత్సలో దాత ముఖం భాగాన్ని, మొత్తం ఎడమ కన్నును తొలగించి వాటిని గ్రహీతకు అతికించారు. 46 ఏళ్ల లైన్ వర్కర్ ఆరోన్ జేమ్స్ 17 జూన్ 2021లో విద్యుత్ షాక్‌‌కు గురైననప్పుడు ముఖం లైవ్ వైర్‌ను తాకి ఎడమ కన్ను దెబ్బతింది.

ఎడమ కన్ను, మోచేయి పైన ముక్కు, పెదవులు, ముందు పళ్లు, ఎడమ చెంప, గడ్డం ఎముక వరకు సహా విస్తృతమైన గాయాలయ్యాయి. ముఖ పునర్నిర్మాణానికి సంబంధించిన ప్రముఖ ఆస్పత్రి లాంగోన్ హెల్త్‌కి తరలించగా.. మే 27న అతడికి శస్త్రచికిత్స చేశారు. చాలా ఏళ్లుగా మొత్తం కంటిని మార్పిడిపై ప్రయోగాలు జరుగుతున్నాయి. ఈ ప్రయత్నంలో శాస్త్రవేత్తలు ఎలుకలలో కొంత విజయాన్ని సాధించినప్పటికీ.. అవి పాక్షిక దృష్టిని పునరుద్ధరించాయి. మనుషులకు ఇంతకు ముందెన్నడూ ఈ సర్జరీ నిర్వహించలేదు.

‘త్రీడి కట్టింగ్ మార్గదర్శకాలను ఉపయోగించి మేము మొట్టమొదటి పూర్తి కంటి మార్పిడిని ముఖంతో పూర్తి చేశాం.. ఇది చాలా మంది చాలా కాలంగా ఎదురుచూస్తోన్న అద్భుతమైన ఫీట్’ అని శస్త్రచికిత్సకు నాయకత్వం వహించిన ఎడ్వర్డో రోడ్రిగ్జ్ అన్నారు. సర్జీరీకి మొత్తం 21 గంటల పట్టిందని, మేము ఇంతకంటే ఖచ్చితమైన రోగిని కోరలేదని అన్నారాయన. మార్పిడి చేసిన ఎడమ కన్ను రెటీనాకు ప్రత్యక్ష రక్త ప్రసరణ సహా కాంతిని స్వీకరించడం, మెదడుకు చిత్రాలను పంపడానికి బాధ్యత వహించే విషయంలో ఆరోగ్య పరంగా మంచి సంకేతాలను చూపించింది. అయినప్పటీకి జేమ్స్ తన చూపును తిరిగి పొందుతాడని ఖచ్చితంగా చెప్పలేమని అన్నారు. కానీ, ఇది చాలా పెద్ద ప్రయోగమే అని 15 ఏళ్లుగా అదే రంగంలో పనిచేస్తున్న కొలరాడో అన్‌స్చుట్జ్ మెడికల్ క్యాంపస్ యూనివర్సిటీ శస్త్రచికిత్స ప్రొఫెసర్ కియా వాషింగ్టన్ అన్నారు.

‘చాలా కష్ట సమయంలో ున్న నాకు జీవితంలో రెండో అవకాశం కల్పించిన దాత, అతని కుటుంబానికి నేను మాటల్లో చెప్పలేనంత కృతజ్ఞతలు తెలుపుతున్నాను. దాతలో కొంత భాగం నాతో జీవిస్తున్నారని తెలుసుకోవడం ద్వారా కుటుంబం ఓదార్పును పొందుతుందని నేను ఆశిస్తున్నాను’ జేమ్స్ చెప్పారు. ప్రస్తుతం ఇంటికి చేరుకున్న అతడు నెలవారీ చెకప్‌ల కోసం ఆస్పత్రికి వస్తున్నాడని వైద్యులు తెలిపారు. శస్త్రచికిత్స తర్వాత గడిచిన సమయాన్ని బట్టి జేమ్స్ కంటి చూపు తిరిగి వచ్చే అవకాశం ఉందని తాను అనుకోలేదని, కానీ అసాధ్యం అని నేను ఎప్పుడూ చెప్పను వాషింగ్టన్ అన్నారు. ఇక, లాంగోన్ బృందం నరాల పనితీరును ప్రోత్సహించడానికి ఎముక మజ్జ నుంచిఉత్పన్నమైన వయోజన మూలకణాలను ఉపయోగించారు.