కరోనాకు వాడిన ఆ వ్యాక్సిన్‌పై సంచలనాలు వెలుగులోకి.. తీవ్రమైన సైడ్ ఎఫెక్ట్స్, 1200 మంది మృతి

కోవిడ్-19కు విరుగుడుగా రూపొందించిన ఫైజర్ వ్యాక్సిన్‌కు సంబంధించి సంచలన విషయాలు వెలుగులోకి వస్తున్నాయి. ఈ వ్యాక్సిన్ కారణంగా విపరీతమైన సైడ్ ఎఫెక్ట్‌లు ఉన్నట్లు ఆరోపణలు ఉండగా.. పరిశోధనలో అది వాస్తవమేనని తేలింది. ఈ వ్యాక్సిన్ తీసుకున్న 46,000 మందిని పరీక్షించగా.. 42,000 మందిలో సైడ్ ఎఫెక్ట్స్ ఉన్నట్లు తేలింది. సైడ్ ఎఫెక్ట్స్‌తో 1200 మంది ప్రాణాలు కోల్పోయినట్లు సమాచారం. వెయ్యికి పైగా దుష్ప్రభావాలు ఉన్నట్లు సమాచారం. ఫైజర్ వ్యాక్సిన్ తీసుకున్న వారిలో 88 శాతం సైడ్ ఎఫెక్ట్స్‌ ముప్పు ఉన్నట్లు వార్తలు వెలువడటం ఆందోళనకు గురిచేస్తోంది. అమెరికాకు చెందిన కంపెనీ ఫైజర్ వ్యాక్సిన్‌ను తయారు చేసింది. ప్రపంచంలో 150కి పైగా దేశాల్లో ఈ వ్యాక్సిన్‌‌ను పంపిణీ చేశారు. భారతీయులు కొద్ది మంది ఈ వ్యాక్సిన్‌ను తీసుకొన్నారు. ఫైజర్ వ్యాక్సిన్‌ సైడ్ ఎఫెక్ట్స్ వార్తలు భగ్గుమనడంతో.. భారత్‌లో విరివిగా ఉపయోగించిన కొవిషీల్డ్ , కొవాక్సిన్ వ్యాక్సిన్లను కూడా పరీక్షించాలనే డిమాండ్ వినిపిస్తోంది.

కార్డియోమయోపతి, తీవ్రమైన శ్వాసకోశ వైఫల్యం, ఇంజెక్షన్ సైట్ వాస్కులైటిస్, మూర్ఛలు, అలోపేసియా అరేటా, అనాఫిలాక్టిక్ షాక్, ప్రెగ్నెన్సీ అనాఫిలాక్సిస్, అప్లాస్టిక్ అనీమియా, థ్రోంబోసిస్, అరిథ్మియాస్, ఆర్థరైటిస్, ఉబ్బసం, బ్రోంకోస్పాస్మ్, గుండెపోటు, గుండె వైఫల్యం, ఛాతీ అసౌకర్యం , క్రానిక్ కటానియస్ లూపస్ ఎరిథెమాటోసస్, క్రానిక్ స్పాంటేనియస్ యూర్టికేరియా, హెమోలిటిక్ అనీమియా, కాలిటైస్, డెర్మటైటిస్, మధుమేహం (డయాబెటిస్), వరిసెల్లా జోస్టర్ వాపు, ఎంబాలిక్ సెరిబ్రల్ ఇన్‌ఫార్‌క్షన్, ఎండోక్రైన్ డిజార్డర్, ప్రురిటస్, కళ్లలో వాపు, ఫేసియల్ పారాలైసిస్ (పక్షవాతం), జెనిటల్ హెర్ప్స్, సెర్విసైటిస్, లూపస్ సిస్టిటిస్, లూపస్ ఎన్సెఫాలిటిస్, మల్టిపుల్ సిలోరిసిస్, నియోనాటల్ మస్తీనియా గ్రావిస్, మైలిటిస్, నాన్ ఇన్ఫెక్టియస్ ఓఫోరిటిస్, థైరాయిడిటిస్, అల్సరేటివ్ ప్రొక్టిటిస్ తదితరాలు ఉన్నాయి.