తీరాన్ని తాకిన సునామీ.. ఎగిసిపడుతోన్న రాకాసి అలలు

నూతన సంవత్సరాది రోజున వరుస భూకంపాలతో జపాన్‌ చిగురుటాకులా వణుకుతోంది. ఉత్తర మధ్య జపాన్‌లో తొలుత 7.6 తీవ్రతతో శక్తివంతమైన భూకంపం సంభవించింది. స్థానిక కాలమానం ప్రకారం సోమవారం సాయంత్రం 4 గంటల సమయంలో రిక్టర్ స్కేల్‌పై 4.0 తీవ్రత కంటే ఎక్కువ స్థాయిలో ఏకంగా 21 భూకంపాలు నమోదయినట్టు అమెరికా జియోలాజికల్ సర్వే పేర్కొంది దీంతో పశ్చిమ తీరంలోని ప్రాంతాలకు సునామీ హెచ్చరికలు జారీఅయ్యాయి. భూకంపం కేంద్రం నుంచి 300 కి.మీ. పరిధిలో సునామీ వచ్చే ముప్పుందని పసిఫిక్ సునామీ హెచ్చరికల కేంద్రం హెచ్చరించింది.

సునామీ హెచ్చరికలు జారీ అయిన కొద్ది సేపటికే ఇషికావా ద్వీపకల్పంలో వాజిమా పోర్టులో 4.21 గంటల సమయంలో దాదాపు 1.2 మీటర్ల ఎత్తులో ఎగిసిపడిన అలలను గుర్తించారు. వాజిమాలో చాలా వీధులు, భవనాలు తీవ్రంగా దెబ్బతిన్నాయి. కొన్నిచోట్ల రహదారులపై భారీగా పగుళ్లు ఏర్పాడ్డాయి. మరికొన్ని చోట్ల సునామీ అలలు అత్యధికంగా ఐదు మీటర్ల ఎత్తు వరకు ఎగసిపడతాయని హెచ్చరికలు జారీ చేశారు. హోక్కాయిడో నుంచి నాగసాకి వరకు సునామీ ముప్పు ఉన్నట్లు అధికారులు వెల్లడించారు.

భూకంప కేంద్రానికి సమీపంలోని ప్రధాన హైవేలను మూసివేసినట్లు అధికారులు ప్రకటించారు. దాదాపు 36 వేల నివాసాలకు విద్యుత్తు సరఫరా నిలిచిపోయింది. ఇషికావాలోని ప్రధాన అణువిద్యుత్తు కేంద్రం మాత్రం ఇప్పటి వరకు సురక్షితంగానే ఉన్నట్లు అధికారులు చెబుతున్నారు. ఈ ఏడాది మే నెలలో జపాన్‌లో దాదాపు రిక్టర్‌ స్కేల్‌పై 6.5 తీవ్రతతో భూకంపం వచ్చింది. అప్పట్లో 13 మంది గాయపడగా.. ఒకరు మృతి చెందారు. అప్పుడు కూడా భూకంప కేంద్రం ఇషికావా ప్రాంతంలోనే ఉంది.

జపాన్ సముద్రం వైపున ఉన్న నోటో ప్రాంతంలోని జపాన్ ప్రధాన ద్వీపం హోన్షులో స్థానిక కాలమానం ప్రకారం సాయంత్రం 4:06 గంటలకు 5.7 తీవ్రతతో భూప్రకంపనలతో ప్రారంభమై క్రమంగా భూకంపాలు సంభవించాయని జపాన్ వాతావరణ అథారిటీ తెలిపింది. దీని తర్వాత సాయంత్రం 4:10 గంటలకు 7.6 తీవ్రతతో ఓ భూకంపం, 4:18 గంటలకు 6.1 తీవ్రతతో మరో భూకంపం, 4:23 గంటలకు 4.5 తీవ్రతతో ఇంకో భూకంపం, 4:29, 4:30 గంటలకు 4.6, 4.8 తీవ్రతతో వరుస భూకంపాలు సంభవించాయి. వెంటనే 4:32 గంటలకు 6.2 తీవ్రతతో మరో భూకంపం వచ్చినట్టు అమెరికా జియోలాజికల్ సర్వే తెలిపింది.

అయితే, 7.6 తీవత్రతో వచ్చిన భూకంపం కారణంగా ప్రత్యేక ప్రోగ్రామింగ్‌కు మార్చడానికి, తీరప్రాంతా నివాసితులకు ఎత్తైన ప్రదేశాలకు వెళ్లాలని అత్యవసర కాల్‌లు చేయడానికి ప్రేరేపించింది. ‘మీ ఇల్లు, మీ వస్తువులు అన్నీ మీకు విలువైనవని మేము గుర్తించాం.. కానీ మీ జీవితాలు అన్నిటికంటే ముఖ్యమైనవి. సాధ్యమయ్యే ఎత్తైన మైదానానికి పరుగెత్తండి’ అని బ్రాడ్‌కాస్టర్ NHKలోని ఒక ప్రెజెంటర్ చెప్పారు.