సంక్రాంతికి ఊరెళ్లేవారికి ,,,,మరో నాలుగు ప్రత్యేక రైళ్లు

సంక్రాంతి పండుగకు సొంత ఊళ్లకు వెళ్లేవారికి రైల్వేశాఖ శుభవార్త చెప్పింది. ప్రయాణికుల రద్దీ దృష్ట్యా సికింద్రాబాద్‌–కాకినాడ టౌన్‌–హైదరాబాద్‌ మధ్య ప్రత్యేక రైళ్లు నడపనున్నట్లు విజయవాడ డివిజన్‌ పీఆర్‌వో నుస్రత్‌ మండ్రుప్కర్‌ తెలిపారు. ఈ నెల 11న గురువారం రాత్రి 9 గంటలకు సికింద్రాబాద్‌–కాకినాడ టౌన్‌ (07021) రైలు.. సికింద్రాబాద్‌లో బయలుదేరి మరుసటి రోజు ఉదయం 8 గంటలకు కాకినాడ టౌన్‌ చేరుకుంటుంది. ఇదే రైలు (07022) తిరుగు ప్రయాణంలో ఈ నెల 12న శుక్రవారం సాయంత్రం 5.40 గంటలకు కాకినాడ టౌన్‌లో బయలుదేరి.. మరుసటి రోజు ఉదయం 5.55 గంటలకు సికింద్రాబాద్‌ చేరుకుంటుంది.

ఈ నెల 12న (శుక్రవారం సాయంత్రం 6.30 గంటలకు) హైదరాబాద్‌–కాకినాడ టౌన్‌ (07023) రైలు హైదరాబాద్‌లో బయలుదేరి.. మరుసటి రోజు ఉదయం 7.10 గంటలకు కాకినాడ టౌన్‌ చేరుకుంటుంది. తిరుగు ప్రయాణంలో ఈ రైలు (07024) ఈ నెల 13న శనివారం రాత్రి 10 గంటలకు కాకినాడ టౌన్‌లో బయలుదేరి మరుసటి రోజు ఉదయం 8.30 గంటలకు హైదరాబాద్‌ చేరుకుంటుంది. ఇప్పటికే రైల్వేశాఖ 32 స్పెషల్ రైళ్లను నడుపుతున్న సంగతి తెలిసిందే. సికింద్రాబాద్‌–బ్రహ్మపుర్–వికారాబాద్‌ (07089/07090) స్పెషల్‌ ట్రైన్‌ ఈ నెల 7, 8, 14, 15 తేదీల్లో రాత్రి 7.45కు సికింద్రాబాద్‌ నుంచి బయలుదేరుతుంది. వికారాబాద్‌–బ్రహ్మపుర్–సికింద్రాబాద్‌ (07091/07092) స్పెషల్‌ ట్రైన్‌ ఈ నెల 9, 10, 16, 17 తేదీల్లో సాయంత్రం 6 గంటలకు వికారాబాద్‌ నుంచి బయలుదేరుతుంది.

విశాఖ–కర్నూలు (08541/08542) ప్రత్యేక రైలు ఈ నెల 10,11, 17, 18, 24, 25 తేదీల్లో సాయంత్రం 5.35 గంటలకు విశాఖ నుంచి బయలుదేరి మరుసటిరోజు మధ్యాహ్నం 1.35కు కర్నూల్‌ చేరుకుంటుంది. తిరుగు ప్రయాణంలో మధ్యాహ్నం 3.30 గంటలకు బయలుదేరి మరుసటి రోజు ఉదయం 11 గంటలకు విశాఖకు చేరుకుంటుంది. అలాగే శ్రీకాకుళం–వికారాబాద్‌ (08547/08548) ప్రత్యేక రైలు‌ ఈ నెల 12, 13, 19, 20, 26, 27 తేదీ ల్లో సాయంత్రం 5 గంటలకు బయలుదేరి మరుసటి రోజు ఉదయం 9 గంటలకు చేరుకుంటుంది. తిరుగు ప్రయాణంలో రాత్రి 8.25 గంటలకు బయలుదేరి మరుసటి రోజు మధ్యాహ్నం 12.15 కు వికారాబాద్‌కు చేరుకుంటుంది.

సికింద్రాబాద్‌–తిరుపతి (02764/02763) ప్రత్యేక రైలు.. ఈ నెల 10, 11, 17,18 తేదీల్లో సాయంత్రం 6.40 కి బయలుదేరి మరుసటి రోజు ఉదయం 6.45కు చేరుకుంటుంది.తిరుగుప్రయాణంలో సాయంత్రం 5.15కు బయలు దేరి మరుసటి రోజు ఉదయం 5.55 గం.కు సికింద్రాబాద్‌కు చేరుకుంటుంది. సికింద్రాబాద్‌–కాకినాడ (07271/07272) స్పెషల్ ట్రైన్ ఈనెల 12న రాత్రి 9 గంటలకు బయలుదేరి మరుసటి రోజు ఉదయం 8 గంటలకు చే రుకుంటుంది. తిరుగు ప్రయాణంలో రాత్రి 8.10 గంటలకు బయలుదేరి మరుసటి రోజు ఉదయం 8.30 కు సికింద్రాబాద్‌ చేరుకుంటుంది.