రోడ్డు పనులతో ప్రయాణంలో ఇబ్బందులు
Andhra Pradesh Telugu | Suryaa Desk | Published : Sat, Jan 13, 2024, 09:16 PM
సంక్రాంతికి సొంతూళ్లకు వెళ్లే వారికి అడుగడుగునా ఇబ్బందులు ఎదురవుతున్నాయి. రెండు తెలుగు రాష్ట్రాల్లో విస్తరించి ఉన్న హైదరాబాద్ - విజయవాడ రహదారిపై పలు ప్రాంతాల్లో విస్తరణ పనులు జరుగుతున్నాయి. దీంతో రహదారులపై భారీగా ట్రాఫిక్ జామ్ ఏర్పడుతోంది. టోల్ గేట్ వద్ద రద్దీ మరింత ఎక్కువ కావడంతో వాహనాలు నిదానంగా ముందుకు కదులుతున్నాయి. హైదరాబాద్ శివార్లలోని హయత్ నగర్, అబ్దుల్లాపూర్ మెట్, పెద్ద అంబర్ పేట్ మార్గంలో వాహనాలు కిలోమీటర్ల మేర బారులు తీరాయి. వనస్థలిపురం నుంచి పెద్ద అంబర్ పేట్ వరకు రోడ్డు విస్తరణ పనులు జరుగుతున్నాయి. దీంతో భారీగా ట్రాఫిక్ ఏర్పడింది. ఆంధ్రప్రదేశ్ లోని ఎన్టీఆర్ జిల్లా నందిగామ వై జంక్షన్ బైపాస్ రోడ్ లో భారీ గా ట్రాఫిక్ జామ్ నెలకొంది. ఫ్లై ఓవర్ బ్రిడ్జి పై వాహనాలు భారీగా నిలిచిపోయాయి. దాదాపు మూడు కిలోమీటర్ల మేర బారులు తీరాయి. బైపాస్ విస్తరణ పనులు జరగకపోవడంతో రోడ్డు ఇరుకుగా మారింది. ఫలితంగా వాహనదారులు తీవ్ర ఇబ్బందులు పడుతున్నారు.
|
|