ట్రెండింగ్
ఉరవకొండలో మంత్రి పెద్దిరెడ్డి కాన్వాయ్ ను అడ్డుకున్న అంగన్వాడీలు
Andhra Pradesh Telugu | Suryaa Desk | Published : Sat, Jan 20, 2024, 08:28 PM
ఏపీలో్ అంగవ్వాడీల ఉద్యమం రోజురోజుకు తీవ్రమవుతోంది. ఇదిలావుంటే ఉరవకొండలో మంత్రి పెద్దిరెడ్డి రామచంద్రారెడ్డికి నిరసన సెగ తగిలింది. మంత్రి కాన్వాయ్ ని అంగన్వాడీ కార్యకర్తలు అడ్డుకున్నారు. పెద్దిరెడ్డి వాహనం ముందు బైఠాయించి వారు నిరసన తెలిపారు. ఈ నెల 23న అనంతపురం జిల్లా ఉరవకొండలో సీఎం జగన్ పర్యటించనున్నారు. ముఖ్యమంత్రి పర్యటన, సభ ఏర్పాట్లను పర్యవేక్షించేందుకు మంత్రి పెద్దిరెడ్డి ఉరవకొండ వచ్చారు. ఈ నేపథ్యంలో, ఆయన కాన్వాయ్ ను ముందుకు వెళ్లనివ్వకుండా అడ్డుకున్న అంగన్వాడీలు అరగంట సేపు ఆందోళన చేపట్టారు. దాంతో, మంత్రి పెద్దిరెడ్డి తన వాహనంలోనే రోడ్డుపై ఉండిపోవాల్సి వచ్చింది. ట్రాఫిక్ భారీగా నిలిచిపోయింది. ఈ దశలో పోలీసులు అంగన్వాడీ కార్యకర్తలను బలవంతంగా ఇవతలకు లాగేశారు. దాంతో, మంత్రి పెద్దిరెడ్డి కాన్వాయ్ ముందుకు కదిలింది.
|
|