వాడి బాబు సొమ్ము ఏమన్నా ఇస్తున్నాడా?
Andhra Pradesh Telugu | Suryaa Desk | Published : Mon, Jan 22, 2024, 04:19 PM
ముఖ్యమంత్రి జగన్ మోహన్రెడ్డిపై అంగన్వాడీలు తీవ్రస్థాయిలో విరుచుకుపడ్డారు. సోమవారం చలో విజయవాడ పిలుపు నేపథ్యంలో అంగన్వాడీలను పోలీసులు ఎక్కడికక్కడ అరెస్ట్ చేస్తున్నారు. ఈ క్రమంలో పోలీసులు, ప్రభుత్వ తీరుపై అంగన్వాడీలు ఆగ్రహం వ్యక్తం చేశారు. ముఖ్యమంత్రి జగన్ను ఉద్దేశించి తీవ్రస్థాయిలో మండిపడ్డారు. ‘‘వాడి బాబు సొమ్ము ఏమన్నా ఇస్తున్నాడా?’’ అంటూ దుయ్యబట్టారు. చెత్త పన్ను, సుత్తి పన్ను, ఫిన్నిష్ పన్ను వేసి వచ్చిన డబ్బుతో విమానాలలో జగన్ తిరుగుతున్నారన్నారు. 11,500 రూపాయలకు సీఎం జగన్, ఆయన మంత్రులు ఒక్కరోజు బతికి చూడండి.. అంగన్వాడీల కష్టాలు ఏంటో తెలుస్తాయన్నారు. ప్రజాస్వామ్య వ్యవస్థలో సమ్మెలు చేసుకునే హక్కు ఉందన్నారు. మనమేమన్నా హిట్లర్ పరిపాలనలో ఉన్నామా అని ప్రశ్నించారు. 22న ప్రధానమంత్రి నరేంద్ర మోడీ రామరాజ్యం కావాలి అంటున్నారని.. మహిళను గౌరవించమని చెబుతున్నారన్నారు. ఆడవాళ్ళని అర్ధరాత్రి నడిరోడ్డుపై అరెస్టు చేయటం ఇదేనా అంబేద్కర్ రాజ్యాంగం అంటూ అంగన్వాడీలు మండిపడుతున్నారు.
|
|