బంపర్ ఆఫర్.. ఈ టాటా కార్లపై రూ.75 వేల తగ్గింపు.. ఆఫర్ కొద్ది రోజులే

సొంత కారు ఉండాలని చాలా మంది భావిస్తున్నారు. ఫ్యామిలీ కోసం బడ్జెట్ ధరలో మంచి కారు కోసం చూస్తుంటారు. అలాంటి వారికి ముందుగా గుర్తొచ్చే కంపెనీ టాటా మోటార్స్. ఈ కంపెనీ నుంచి చాలా మోడళ్లు మార్కెట్లో అందుబాటులో ఉన్నాయి. మంచి బడ్జెట్ ధరలో టాటా కారు కొనుగోలు చేయాలనుకునే వారికి ఈ ఫిబ్రవరి నెలలో మంచి ఆఫర్ అందుబాటులో ఉంది. ఎంపిక చేసిన మోడళ్లలో భారీ డిస్కౌంట్ ఆఫర్ అందిస్తోంది. వీటిలో క్యాష్ డిస్కౌంట్, ఎక్స్చేంజ్ బోనస్, స్క్రాపేజ్ బోనస్ వంటివి కలిసి ఉంటాయి. ఈ డిస్కౌంట్ ఆఫర్ 2024, ఫిబ్రవరి చివరి వరకు మాత్రమే ఉంటుంది.

టాటా టియాగో ఈ కారు 2023 మోడల్ పై రూ.75 వేల వరకు డిస్కౌంట్ అందిస్తోంది టాటా మోటార్స్. ఇందులో రూ. 60 వేల క్యాష్ డిస్కౌంట్ పొందవచ్చు. అలాగే రూ. 15 వేల వరకు ఎక్స్చేంజ్ బోనస్ లేదా స్క్రాపేజ్ బోనస్ లభిస్తుంది. అయితే, టియాగో 2024 మోడళ్లపై రూ.40 వేల వరకు తగ్గింపు లభిస్తోంది. ఇందులో క్యాష్ డిస్కౌంట్ రూ.30 వేలు కాగా.. రూ.10 వేల ఎక్స్చేంజీ బోనస్ లభిస్తోంది. అలాగే టియాగో సీఎన్‌జీ 2023 వేరియంట్ పై రూ. 75 వేలు, 2024 యూనిట్లపై రూ. 25 వేల వరకు ప్రయోజనాలు కల్పిస్తోంది.

టాటా హారియర్.. ఈ కారు టాప్ స్పెక్ ఎడాస్ ఎక్విప్డ్ వేరియంట్ పై రూ. 75 వేల వరకు క్యాష్ డిస్కౌంట్ తో పాటు రూ. 50 వేల వరకు ఎక్స్చేంజీ బోనస్ లభిస్తోంది. నాన్ అడాస్ వేరియంట్లపై రూ. 75 వేల వరకు బెనిఫిట్స్ ఉన్నాయి.

టాటా ఆల్ట్రోజ్ ..

ఈ కారు హ్యాచ్ బ్యాక్ పెట్రోల్, డీజిల్, సీఎన్జీ వేరియంట్లపై రూ. 45 వేల వరకు డిస్కౌంట్ లభిస్తోంది. ఆల్ట్రోజ్ 2023 మోడల్ పై రూ. 35 వేల వరకు క్యాష్ డిస్కౌంట్ లభిస్తోంది. 2024 ఎడిషన్లపై రూ. 15 వేల వరకు మాత్రమే తగ్గింపు లభిస్తోంది. అన్ని వేరియంట్లపై రూ. 10 వేల వరకు ఎక్స్చేంజీ బోనస్ లభిస్తుంది. టాటా టిగోర్ (Tata Tigor).. ఈ కారు 2023 మోడల్ పై రూ.75 వేల వరకు డిస్కౌంట్ లభిస్తుండగా.. 2024 వేరియంట్లపై రూ. 40 వేల వరకు తగ్గింపు ప్రయోజనాలు కల్పిస్తోంది. టియాగో పెట్రోల్ ఎంటీ, ఏఎంటీ వేరియంట్లకు సైతం ఈ డిస్కౌంట్ లభిస్తుంది. సీఎన్‌జీ వేరియండ్ 2023 మోడల్ పై రూ. 75 వేల వరకు డిస్కౌంట్ పొందవచ్చు.