పవన్, షర్మిలపై స్పందించిన సజ్జల
Andhra Pradesh Telugu | Suryaa Desk | Published : Tue, Mar 26, 2024, 01:55 PM
జనసేన అధినేత పవన్ కల్యాణ్పై వ్యక్తిగతంగా ఎలాంటి కక్షా లేదని ఆయన్ని చూస్తే జాలేస్తుందని సజ్జల రామకృష్ణ రెడ్డి వ్యాఖ్యానించారు. రాజకీయాలపై పవన్కు ఒక క్లారిటీ అంటూ లేదు. అంత కరిష్మా ఉన్న వ్యక్తి పదేళ్లుగా ఇలాంటి రాజకీయం చేస్తారా? అని సజ్జల ఆశ్చర్యం వ్యక్తం చేశారు. ఈ ఎన్నికల్లో షర్మిల ప్రభావం ఏమాత్రం ఉండబోదని సజ్జల అంచనా వేశారు. ఈ క్రమంలో సంచలన ప్రకటన చేశారు. రాజకీయ లక్ష్యాలే తప్ప.. వైయస్ కుటుంబంలో గొడవలేం లేవు. షర్మిల పట్ల అన్నగా వైయస్ జగన్ ప్రేమ ఏమాత్రం తగ్గలేదు. అయితే.. రాజకీయంగా షర్మిలే తప్పటడుగులు వేశారని సజ్జల వ్యాఖ్యానించారు. రాష్ట్రంలో 87శాతం మందికి సంక్షేమం అందించాం. ప్రతీ నియోజకవర్గంలో కనీసం 50 శాతం ఓట్లు మాకే పడతాయి. ప్రజలపై మాకు ఆ నమ్మకం ఉంది. కూటమిగా ఎంతమంది కలిసొచ్చినా విజయం మాత్రం వైయస్ఆర్ కాంగ్రెస్ పార్టీదే అని సజ్జల రామకృష్ణారెడ్డి ధీమా వ్యక్తం చేశారు.
|
|