ట్రెండింగ్
కర్నూలు, అనంతపురంలో సీఎం జగన్ బస్సుయాత్ర
Andhra Pradesh Telugu | Suryaa Desk | Published : Sat, Mar 30, 2024, 09:12 AM
ప్ర‌స్తుతం ఏపీ సీఎం జగన్ చేప‌ట్టిన మేమంతా సిద్ధం బస్సు యాత్ర నాలుగో రోజుకు చేరుకుంది. నేడు కర్నూలు, అనంతపురం జిల్లాల్లో బస్సు యాత్ర కొనసాగనుంది. కర్నూలు జిల్లా రతన నైట్ హాల్ట్ నుంచి జగన్ బయలుదేరి తుగ్గలి చేరుకుంటారు.
అక్కడ ప్రజలతో ముఖాముఖి కార్యక్రమంలో పాల్గొంటారు. అనంతరం అక్కడి నుంచి బయలుదేరి గరిగెట్ల క్రాస్ రోడ్డు మీదుగా జొన్నగిరి చేరుకుంటారు. కర్నూలు జిల్లా నేతలకు వీడ్కోలు పలికిన అనంతరం బస్సుయాత్ర అనంతపురం జిల్లాలోకి ప్రవేశించనుంది. బసినేపల్లి, గుత్తి, పామిడి, గార్లదిన్నె, రాప్తాడు, ఇటిక్యాలపల్లి మీదుగా కృష్ణారెడ్డిపల్లికి చేరుకుంటారు. రాత్రి సంజీవపురంలో బస చేయనున్నారు సీఎం జగన్.
|
|