ట్రెండింగ్
పవన్ నోరు అదుపులో పెట్టుకొని మాట్లాడు
Andhra Pradesh Telugu | Suryaa Desk | Published : Mon, Apr 22, 2024, 04:42 PM
జైల్లో పొత్తు పెట్టుకున్నది ఎవరని వైయస్ఆర్సీపీ మహిళా విభాగం రాష్ట్ర అధ్యక్షురాలు, శాసనమండలి సభ్యురాలు వరుదు కళ్యాణి జనసేన అధినేత పవన్ కళ్యాణ్ను ప్రశ్నించారు. పవన్కళ్యాణ్ పిఠాపురంలోనూ ఓడిపోబోతున్నారని అతనికి అర్ధమైపోయింది. మూడు పార్టీల కూటమి అనేది ఓటమి పాలవుతోందనేది బోధపడిందన్నారు. కనుకే, జగనన్న మీద పరదాలంటూ.. మహారాణి అంటూ నోటికి ఏదొస్తే అది మాట్లాడుతున్నాడని మండిపడ్డారు. మరి, నిన్న విశాఖపట్టణం వచ్చి వాళ్లు చూడొచ్చు కదా..? జగనన్న పరదాల మధ్యన ఉన్నారో..? ప్రజల మధ్యలో ఉన్నారో.. వచ్చి చూడొచ్చు కదా..?. వైయస్ జగన్ బస్సుయాత్రలో అడుగడుగునా తన వద్దకొచ్చే మహిళలు, వృద్ధులు, చిన్నారులను పలకరించి ప్రభుత్వ పథకాలు సకాలంలో అందుతున్నాయా..? లేదా..? అని ఆరాతీసి ముందుకు సాగుతున్నారని చెప్పారు.
|
|