వైసీపీ కార్యాలయాల కూల్చివేతకు రంగం సిద్దమైనట్లేనా ..?
Andhra Pradesh Telugu | Suryaa Desk | Published : Wed, Jun 26, 2024, 12:22 PM
భీమవరంలో వైయ‌స్ఆర్‌సీపీ ఆఫీసు కూల్చివేత ప్రయత్నానికి సంబంధించిన ఇద్దరు అధికారులు మాట్లాడుకున్న ఆడియో తాజాగా బయటకు వచ్చింది. ఈ ఆడియోలో వైయ‌స్ఆర్‌సీపీ ఆఫీసులను కూల్చివేయడానికి ముందు తేదీతో నోటీసులు ఇవ్వాలని సైట్‌ అధికారి మాట్లాడటం స్పష్టంగా ఉంది. ఇలాగే అన్ని జిల్లాలోని ఆఫీసులకు ప్లాన్ రెడీ చేసినట్టు తెలుస్తోంది. ఈ వీడియోలో పంచాయతీ సెక్రటరీ ప్రభుత్వ ఉద్యోగి కావడంతో తాను సేఫ్‌ జోన్‌లో ఉండేందుకు సైట్‌ ఇంజనీర్‌తో మాట్లాడారు. ఈ క్రమంలో ఆఫీసు కూల్చివేత నోటీసుకు సంబంధించి ముందు తేదీతో నోటీసులు ఇవ్వాలని ఇద్దరూ మాట్లాడుకున్నారు. ముందుగానే చెప్పినట్టు మాట రూపంలో కాకుండా నోటీసు రూపంలో ఇస్తానని మాట్లాడుకోవడం గమనార్హం. మున్సిపల్‌ అధికారులు నోటీసులు అంటించమన్నారు కాబట్టి ఇలా మీతో మాట్లాడాల్సి వచ్చిందని అనుకున్నారు. ఈ వీడియో సోష‌ల్ మీడియాలో వైర‌ల్‌గా మారింది.ఇలాంటి కుట్ర‌లు ఇంకా ఎన్ని చేస్తారోన‌ని నేటిజ‌న్లు అధికార పార్టీ తీరుపై ఆగ్ర‌హం వ్య‌క్తం చేస్తున్నారు.
|
|