ట్రెండింగ్
గంజాయి మత్తులో కూలీపై దాడికి పాల్పడిన బ్యాచ్
Andhra Pradesh Telugu | Suryaa Desk | Published : Thu, Jul 11, 2024, 05:01 PM
మచిలీపట్నం రైల్వే స్టేషన్‌లో గంజాయి బ్యాచ్ ఆగడాలు రోజు రోజుకి శృతిమించుతున్నాయి. గంజాయి మత్తులో గత కొన్ని నెలలుగా గంజాయి బ్యాచ్ వీర విహారం చేస్తోంది. స్థానికులతో గొడవలు పడుతోంది. ఎదురు ప్రశ్నిస్తున్న వారిపై గంజాయి బ్యాచ్ దాడులకు పాల్పడుతోంది. తాజాగా ఇద్దరు యువకులు గంజాయి మత్తులో రైల్వే స్టేషన్ వద్ద రోజువారీ కూలీ పనులు చేసుకుంటున్న ఉత్తర ప్రదేశ్‌కు చెందిన ఓ యువకుడిపై దాడి చేశారు. తెలుగు భాష రాని పొరుగు రాష్ట్ర యువకుడు వీరి చేష్టలకు ఏం చేయాలో తెలియక భీతిల్లిపోయాడు. అక్కడ పోలీసులు ఉన్నా ఏ మాత్రం భయపడకుండా గంజాయి బ్యాచ్ ఆ యువకుడిపై దాడి చేయడం గమనార్హం.
|
|