ట్రెండింగ్
ఆషాడం తర్వాత అల్లుడికి అత్తగారి మర్యాద..100 రకాల పిండి వంటలు
Andhra Pradesh Telugu | Suryaa Desk | Published : Sun, Aug 11, 2024, 08:07 PM
ఇటీవలే ఆషాఢ మాసం ముగిసింది. దీంతో కొత్తగా పెళ్లయిన అమ్మాయి.. నెల రోజుల పాటు పుట్టింటికి వెళ్లారు. అయితే ఆషాఢ మాసం పూర్తి కావడంతో భార్యను తీసుకువచ్చేందుకు భర్తలు తమ అత్తగారింటికి వెళ్తున్నారు. ఈ క్రమంలోనే తాజాగా గోదావరి జిల్లా అల్లుడికి అత్త మామలు ఏకంగా 100 రకాల పిండి వంటలు రుచి చూపించారు. కాకినాడ జిల్లా కిర్లంపూడి మండలం తామరాడ గ్రామానికి చెందిన ఉద్దగిరి వెంకన్నబాబు, రమణి దంపతుల కుమార్తె రత్నకుమారిని కాకినాడకు చెందిన బాదం రవితేజకు ఇచ్చి పెళ్లి చేశారు. అల్లుడికి మొదటి ఆషాఢం కావడంతో వినూత్నంగా జరుపుకోవాలని అత్తమామలు, భార్య ఆలోచించి ఇంట్లో హాల్‌లో అరటి ఆకులు వేసి వాటిపై అన్ని రకాల ఆహార పదార్థాలను అందంగా ఉంచారు. అనంతరం వాటిని ఇరుగుపొరుగు వారికి, గ్రామస్థులకు పంచిపెట్టారు. ఈ వార్త ఇప్పుడు తెగ వైరల్ అవుతోంది
|
|