నేటి సీఎం పర్యటన వివరాలు
Andhra Pradesh Telugu | Suryaa Desk | Published : Fri, Aug 23, 2024, 04:22 PM
నేడు అంబేద్కర్ కోనసీమ జిల్లాలో ముఖ్యమంత్రి చంద్రబాబు పర్యటించనున్నారు. ఉదయం 11 గంటలకు ఉండవల్లి నివాసం నుంచి ప్రత్యేక హెలికాప్టర్‌లో ఆయన బయలుదేరనున్నారు. 11.40 గంటలకు కొత్తపేట మండలం వానపల్లి గ్రామం లో ఏర్పాటుచేసిన హెలిప్యాడ్ వద్దకు చంద్రబాబు చేరుకోనున్నారు. 11.50 గంటలకు వానపల్లిలోని పళ్ళాలమ్మ గుడి ప్రాంతం వద్దకు చంద్రబాబు చేరుకుంటారు. 11.50 గంటల నుంచి 1.30 గంటల వరకు స్వర్ణ గ్రామ పంచాయతీ గ్రామ సభలో చంద్రబాబు పాల్గొననున్నారు. 2 గంటల నుంచి 2.20 వరకు ప్రజాప్రతినిధులు, అధికారులతో ఆయన భేటీ కానున్నారు. 2.20 గంటల కు వానపల్లి గ్రామం నుంచి హెలికాప్టర్ లో బయలుదేరి 2.35 గంటలకు రాజమండ్రి ఎయిర్ పోర్టుకి చంద్రబాబు చేరుకోనున్నారు. 2.45 గంటలకు ప్రత్యేక విమానంలో బయలుదేరి 3.35 గంటలకు బేగంపేట ఎయిర్ పోర్టుకి చేరుకోనున్నారు. 4 గంటలకు జూబ్లిహిల్స్‌లోని నివాసానికి చంద్రబాబు చేరుకోనున్నారు.
|
|