గజినీ, ఘోరీలు బతికే ఉన్నారు..
national | Suryaa Desk | Published : Sat, Feb 02, 2019, 09:28 PM
చరిత్ర పునరావృతం అవుతుంది. కానీ ఉన్నది ఉన్నట్టుగా కాకుండా పేర్లు, వేషాలు మార్చుకుని కళ్లముందు కదలాడుతుంది. హిందూ ఆలయాలను, సామ్రాజ్యాలను గజిని, ఘోరీ వంటి పరాయి దేశాల పాలకులు నేలమట్టం చేశారని చరిత్రలో చదువుకున్నాం. కానీ మనకళ్ల ముందే అలాంటి ఘోరాలు లెక్కలేనన్న జరుగుతున్నా పట్టించుకోవడం లేదు. ప్రపంచ ప్రఖ్యాతిగాంచిన విజయనగర సామ్రాజ్య రాజధాని హంపీలో స్థానిక యువకులు విధ్వంసానికి తెగబడ్డారు. కేవలం వీడియో కోసం విలువై చారిత్రక శిలా సంపదను కూలదోసి వికృతానందం పొందారు. ఆ వీడియో సోషల్ మీడియాలో కలకలం రేపుతోంది.
హంపీ పరిరక్షణ బాధ్యత తీసున్న పురావస్తు శాఖ తోలుమందానికి ఇది అద్దం పడుతోంది. చుట్టుపక్క ఊళ్ల నుంచి హంపీకి వచ్చిన యువకులు పనికిమాలిన వీడియో కోసం ఓ ఆలయంలోని స్తంభాలను కూలదోశారు. ఇప్పటికే ముస్లిం రాజుల దాడుల్లో శిథిలంగా మారిన హంపీ ఆలయాలు.. ఇలాంటి లోకల్ గజినీ, ఘోరీల ఆగడాలతో పూర్తిగా రూపుమాసిపోవడం ఖాయమని చరిత్రకారులు హెచ్చరి స్తున్నారు. యునెస్కో జాబితాలో రెండో ర్యాంకులో ఉన్న హంపీని సందర్శించడానికి దేశ విదేశాల నుంచి ఏటా లక్షల్లో పర్యాటకులు వస్తుంటారు.
|
|