పొన్నవోలుకు ఏపీ హైకోర్టులో ఎదురుదెబ్బ
Andhra Pradesh Telugu | Suryaa Desk | Published : Mon, Oct 14, 2024, 07:47 PM_5097.jpg)
గత ప్రభుత్వ హయాంలో అదనపు అడ్వొకేట్ జనరల్ గా వ్యవహరించిన పొన్నవోలు సుధాకర్ రెడ్డికి ఏపీ హైకోర్టులో ఎదురుదెబ్బ తగిలింది. భద్రత కల్పించాలంటూ పొన్నవోలు దాఖలు చేసిన పిటిషన్ పై న్యాయస్థానం కీలక తీర్పు వెలువరించింది. పొన్నవోలుకు పోలీసు భద్రత అవసరం లేదని హైకోర్టు ధర్మాసనం స్పష్టం చేసింది. ఈ మేరకు పొన్నవోలు పిటిషన్ ను కొట్టివేసింది.పొన్నవోలు పిటిషన్ పై హైకోర్టులో సుదీర్ఘంగా వాదనలు జరిగాయి. తీర్పును రిజర్వ్ చేసిన న్యాయస్థానం... ఇవాళ తీర్పును వెలువరించింది. పొన్నవోలుకు ఏపీ న్యాయవర్గాల్లో సీనియర్ న్యాయవాదిగా గుర్తింపు ఉంది. ఇవాళ ఆయన సొంత కేసులోనే ఓడిపోయారు.పొన్నవోలుకు పోలీసు భద్రత అవసరంలేదని హైకోర్టు గతంలో విచారణ సందర్భంగా స్పష్టం చేసింది. పొన్నవోలు ప్రాణాలకు వచ్చిన ముప్పేమీ లేదని భద్రతా సమీక్ష కమిటీ నిర్ధారించిన విషయాన్ని కూడా హైకోర్టు అప్పట్లో ప్రస్తావించింది. రివ్యూ కమిటీ నివేదికపై అభ్యంతరాలు ఉంటే సవాల్ చేసుకోవచ్చని పొన్నవోలుకు సూచించింది. తాజాగా హైకోర్టు ఏకంగా పిటిషన్ నే కొట్టివేయడంతో పొన్నవోలుకు తీవ్ర నిరాశ తప్పలేదు.
|
|