గాల్లో సైకిల్ తొక్కడం, జిప్ లైన్ సహా అడ్వెంచర్ గేమ్స్కి అడ్డాగా విశాఖ
Andhra Pradesh Telugu | Suryaa Desk | Published : Fri, Nov 22, 2024, 07:21 PM
మీరు సముద్ర కెరటాలపై ఎప్పుడైనా నడుచుకుంటూ వెళ్ళారా... గాల్లో తేలుతూ సైకిల్ తొక్కారా?... తీగ మీద జారుతూ గాల్లో గంతులేశారా... ఇలాంటి అనుభవం కావాలంటే ఇక మీదట ఇతర రాష్ట్రాలకో.. విదేశాలకో వెళ్లాల్సిన అవసరం లేదు. సాగర నగరం విశాఖలో ఇలాంటి సాహస క్రీడలు అందులోకి వచ్చేశాయి. టూరిజంపై స్పెషల్ ఫోకస్ పెట్టిన కూటమి ప్రభుత్వం విశాఖ నగరాన్ని అడ్వంచర్ స్పోర్ట్ సెంటర్గా మార్చేస్తూ పర్యాటకులకు సరికొత్త అనుభూతిని అందిస్తోంది. నీలి సముద్రం, ఎత్తైన పర్వతాలు, కొండలు, గుట్టలు, జలపాతాలు.. ఇలా ప్రకృతి అందాలకు నెలవైన విశాఖపట్నం అంటేనే పర్యాటకులకు స్వర్గధామం. ముఖ్యంగా అక్టోబర్ నుంచి ఫిబ్రవరి వరకు వింటర్ సీజన్లో ఇక్కడి ప్రకృతి రమణీయ దృశ్యాలు చూపరులను కట్టిపడేస్తుంటాయి. ఇతర ప్రాంతాలతో పోలిస్తే కనెక్టివిటీ ఎక్కువగా ఉండటం, ప్రశాంతతకు మారుపేరు కావడంతో కొంతకాలంగా విశాఖకు పర్యాటకుల సంఖ్య బాగా పెరిగింది.
|
|